«Jas ulan» biryńǵaı balalar men jasóspirimder uıymy volonterlik jobalar boıynsha shaǵyn granttar baıqaýyn uıymdastyrýda. Volonterlik jumystar ekologııany jaqsartý jáne tarıhı murany saqtaýdy kózdeıdi.
Baıqaý eki baǵyt boıynsha ótedi. Alǵashqysy ekologııalyq aǵartý, kógaldandyrý, ózender men kólderdi tazalaý, janýarlardy qorǵaý jumystaryn qamtıtyn volonterlik jobalar. Ekinshisi tarıhı-mádenı muralardy jandandyrmaq. Respýblıka boıynsha úzdik dep tanylǵan 68 joba ıegeri 300 myń teńgelik grantqa ıe bolyp, baǵdarlamasyn júzege asyrýǵa múmkindik alady.
– Oblys boıynsha ótinimderdi jınap jatyrmyz. 18 jastan asqan azamattar jobalary bolsa qatysa alady. Úı jaǵdaıynda ártúrli aǵashtardy nemese ósimdikterdi otyrǵyzý, oǵan qajetti zattardy satyp alý joba shyǵyndaryna sáıkes keledi,–deıdi «Jas ulan» biryńǵaı balalar men jasóspirimder uıymynyń tóraıymy Mánsııa Esekeeva.
Kámelet jasqa tolmaǵandar jobaǵa jetekshi ustazdarymen qatysa alady. Baıqaý 23 mamyrǵa deıin jalǵasady. Aıta keteıik ótinish berýshiler Qazvolonteer.kz platformasyna tirkelgen bolýy tıis. Al, ótinimder joba taqyrybyna qaraı arnaıy elektrondy pochtalar arqyly qabyldanady.