Mamyrdyń 19-nan 20-syna qaraǵan tún – Qadir túni, dep habarlaıda elorda ákimdiginiń resmı saıty.
Nur-Sultannyń bas ımamy Erbolat Júsipov Qadir túni qarsańynda meshit úsh negizgi qulshylyqty oryndaýǵa daıyn ekenin aıtty.
«Koronavırýstyń taralý qaýpi áli seıilgen joq. Juqtyrý qaýpi bar bolǵandyqtan, Nur-Sultan meshitteri 7:00-den 20:00-ge deıin jumys isteıdi. Bul ýaqytta kelýshiler 15 mınýt ishinde jeke qulshylyq jasaı alady. Bul rette ol maska, qolǵap kııý kerek. Sondaı-aq musylmandar Quran oqyta alady. Ol úshin kelýshiler sany on adamnan aspaýy, al olardyń arasyndaǵy qashyqtyq 1,5 metrden kem bolmaýy tıis. Sonymen qatar meshitterde neke qıdyrýǵa bolady. Saltanatty rásimge neke kýágerlerin qosqanda tórt adam ǵana qatysa alady», – dedi E. Júsipov.
Qasıetti Ramazan aıynda Láılátýl-kadir túni – eń mańyzdy tún. Qasıetti Qurannyń alǵashqy súreleri dál sol túni Muhammed paıǵambarǵa jiberilgen. 2020 jyly qasıetti Qadir túni 19 mamyrdan 20 mamyrǵa qaraǵan túnge sáıkes keledi.