Osy mazmundaǵy qylmystyq isterdiń 52 paıyzy Nur-Sultan, Pavlodar oblysy jáne qarjy ortalyǵy – Almatyda oryn alǵan. Aǵymdaǵy jylǵy qańtar-sáýirinde respýblıkada qylmystyq jolmen alynǵan aqsha jáne basqa múlikti jarııa etý salasynda 29 quqyq buzýshylyq tirkelgen. Kórsetkish bul ótken jyldyń sáıkes kezeńimen salystyrǵanda 2,1 ese kóp.
Qazaqstan Respýblıkasynyń Bas prokýratýrasy Quqyqtyq statıstıka jáne arnaıy esep komıtetiniń málimetinshe, «Terrorıstik nemese ekstremıstik áreketti jáne terrorızm men ekstremızmniń basqa da túrlerin qarjylandyrý» baby boıynsha, ótken jyldyń qańtar-sáýirindegi 1 quqyq buzýshylyqqa jyl basynan beri qosymsha 2 qylmys tirkelip otyr.
О́ńirler boıynsha elordada qylmystyq jolmen tapqan aqshany jáne basqa da múlikti zańdastyrý salasyndaǵy quqyq buzýshylyq kóbeıgen. Budan bir jyl buryn 4 jaǵdaı tirkelse, búgingi kúnde 8 jaǵdaı tirkelgen. О́tken jyly mundaı qylmys túrleri tirkelmegen Pavlodar (4 quqyqbuzýshylyq) oblysy jáne Almatyda (ótken jyly 3 jaǵdaı) bıylǵy jyly osyndaı jaǵdaılar oryn alyp otyr.