Búgin Úkimet alańynda ótken brıfıng barysynda Indýstrııa jáne ınfraqurylymdyq damý mınıstri Beıbit Atamqulov «5-10-20» jańa turǵyn úı baǵdarlamasynyń sharttary týraly aıtyp berdi. Bul týraly Premer-Mınıstrdiń baspasóz qyzmeti habarlady.
Bıylǵy 11 mamyr kúni Memlekettik komıssııa otyrysynda turǵyn úı qurylysyndaǵy máselelerdi sheshýge qatysty tapsyrma berildi. Atap aıtqanda, ulttyq damý ınstıtýtyn jáne «Turǵyn úı qurylys jınaq banki» negizinde baspanamen qamtamasyz etý jónindegi ortalyq – «Otbasy bankin» qurý.
«Onyń basty ıdeıasy mynada: menshiginde baspanasy joq árbir qazaqstandyq osy ortalyqqa habarlasyp, óziniń tabysyna qaraı qoljetimdi baspana alýǵa múmkindik alady», — dedi B. Atamqulov.
Azamattar sanattarǵa bólinbeı, naqty tabystaryna qaraı irikteledi.
Otbasynyń ár múshesine sanaǵanda tabys mólsheri 1 eń tómengi kúnkóris kólemine (31,2 myń tg) deıingi azamattar jalǵa beriletin turǵyn úı alady.
Otbasynyń ár múshesine sanaǵanda tabys mólsheri 2 eń tómengi kúnkóris kólemine deıingi azamattar «Baqytty otbasy», «2-10-20» sekildi baǵdarlamalar boıynsha 2% mólsherlememen baspana ala alady.
Otbasynyń ár múshesine sanaǵanda tabys mólsheri 3,1 eń tómengi kúnkóris kólemine deıingi (96,7 myń teńge) turǵyndar jańa «5-10-20» dy. baǵdarlamasymen baspana ala
Otbasynyń ár múshesine sanaǵanda tabys mólsheri 3,1 eń tómengi kúnkóris kóleminen joǵary azamattar ekinshi deńgeıli bankterdiń «7-20-25», naryqtyq ıpoteka baǵdarlamalaryna qatysa alady.
Sonymen qatar Indýstrııa jáne ınfraqurylymdyq damý mınıstri jýrnalısterdiń QR IIDM-men aradaǵy kelisimniń buzylýyna baılanysty О́skemendegi zaýyttyń jabylýy múmkin ekeni týraly málimdemege qatysty suraǵyna jaýap berdi.
2010 jylǵy maýsymda «Azııa Avto» AQ-men 2017 jylǵy 1 maýsymnan bastap shanaǵyn balqytyp biriktirý jáne boıaý boıynsha tehnologııalyq operasııalardy uıymdastyrý mindettemesimen kólik quraldaryn ónerkásiptik qurastyrý týraly kelisimge qol qoıyldy. Biraq atalǵan mindetteme oryndalǵan joq.
2012 jylǵy jeltoqsanda «Azııa Avto Qazaqstan» AQ-men 2019 jylǵy 1 jeltoqsannan bastap osyndaı mindettemesimen motorly kólik quraldaryn ónerkásiptik qurastyrý týraly kelisimge qol qoıyldy. Biraq ol mindetteme de oryndalmady. О́ndirýshilerdiń mindettemelerine sáıkes kompanııalar 7 jyl ishinde shanaqty balqytyp biriktirý jáne boıaý boıynsha tehnologııalyq jabdyqtardy paıdalanýǵa berýi tıis edi.
Sonymen qatar, keıbir BAQ pen áleýmettik jelilerde habarlanǵandaı, ónerkásiptik qurastyrý týraly kelisimdi buzý kásiporyn qyzmetin toqtatýǵa ákep soqpaıdy.
«Azııa Avto» AQ jáne «Azııa Avto Qazaqstan» AQ kompanııasy kólik quraldaryn óndirýdi jáne zaýyt qurylysyn jalǵastyra berýge quqyly, biraq olar preferensııalar almaıdy. Sonymen qatar, Mınıstrlik kásiporyndar mindettemelerin oryndaǵannan keıin qaıtadan kelisim jasaýǵa jáne preferensııalar berý múmkindigin qaıta qaraýǵa daıyn», — dedi vedomstvo basshysy.
Daǵdarys kezeńinde avtomobıl ónerkásibi turaqty ósimin kórsetti, 4 aıda 173,4 mlrd teńge somasyna 23 703 avtokólik quraly óndirildi.
Memleket ónerkásip qurastyrý týraly kelisimderdiń negizinde qosymsha quny salyǵynan (QQS) (12%) jáne kedendik tólemderden (5%) bosatady. Sondaı-aq yntalandyrý túrinde tólengen kádege jaratý alymyn óteıdi.
«Búginde Úkimet qabyldaǵan sharalar sheńberinde jeńildetilgen kredıt berý men tehnıkanyń qarjylyq lızıngine somasy ulǵaıtyldy, ulttyq rejımnen alyp qoıý engizildi. Men bul sala qazir memlekettik qoldaýdyń eń jaqsy múmkindikteri men quraldaryn alyp otyr dep sanaımyn», — dep túıindedi ındýstrııa jáne ınfraqurylymdyq damý mınıstri.