Búgin «Astana – adaldyq alańy» jobasy aıasynda Sybaılas jemqorlyqqa qarsy is-qımyl agenttiginiń tóraǵasy Alık Shpekbaev jáne elorda ákimi Altaı Kólginov onlaın rejimde kezdesti. Kezdesýge aýdan ákimderi men qalalyq basqarma basshylary qatysty.
«Astana – adaldyq alańy» jobasynyń jetekshisi, elorda ákiminiń keńesshisi, qalalyq máslıhat depýtaty Mıras Shekenov atqarylyp jatqan jumystar týraly baıandady.
Joba aıasynda «ashyq ákimdik» tujyrymdamasy boıynsha elordanyń barlyq aýdan ákimdikterinde azamattarǵa qyzmet kórsetetin zamanaýı front-keńseler ashylǵan. О́tken jyldan bastap kásipkerlerge qyzmet kórsetetin jańa «iQala» ortalyǵy jumys isteýde. Bıýdjettiń ashyqtyǵyn qamtamasyz etý boıynsha «Ashyq bıýdjetterdiń ınteraktıvti kartasy» men «Bıýdjetke qatysý» jobalary iske asýda.
«IQala» qalalyq qyzmet kórsetý ortalyǵynyń basshysy R. Jumadilov ortalyqtyń jumysy týraly atap ótti.
Ortalyqta «bir tereze» qaǵıdaty boıynsha 131 memlekettik qyzmet túri kórsetiledi.
Ortalyq basshysy karantın kezinde júk kóligimen azyq-túlik jáne azyq-túlikke jatpaıtyn taýarlardy Nur-Sultan qalasyna jáne Nur-Sultan qalasy arqyly tasymaldaıtyn júrgizýshilerge arnalǵan jańa «jasyl dáliz» qyzmeti týraly tolyǵyraq baıandady.
Júrgizýshiler post.iqala.kz saıty arqyly ótinish berip blok beketten kedergisiz ótýge múmkindik alǵan. О́tinish tikeleı «Sergek: blok beketi» qosymshasyna túsedi.
Júk kóliginiń júrgizýshisi saıtqa kirip, qalaǵa kirý/shyǵý, kóliktiń nómirin, JSN, tasymaldanatyn júktiń ataýyn, olardyń sanyn jáne júretin jolyn kórsetip ótinish toltyrý qajet.
О́tinish bergen kezde ESQ jáne basqa da qujattar talap etilmeıdi. Bul qyzmet túri Nur-Sultan qalasyna ǵana qatysty.
Blok bekette aqparattardy qolmen toltyrýdyń qajeti joq. Bul jańashyldyq júrgizýshiler úshin ýaqyt únemdeýge múmkindik beredi. Adamdarmen tikeleı baılanys bolmaıdy.
«Astana – adaldyq alańy» jobasynyń menedjeri, «My za Chıstýıý Straný» ekologııalyq qozǵalysynyń uıymdastarýshysy ShASALIM ShAGALIMOV elordanyń ekologııalyq jaǵdaıyn baqylaýǵa arnalǵan «Zhasyl Qalqan» mobıldi qosymshasyn tanystyrdy.
Joba menedjeriniń aıtýynsha, qosymshanyń kómegimen ekologııalyq buzýshylyqtardy anyqtaýǵa, ekologııalyq aksııalardy uıymdastyrýǵa jáne qatysýǵa, sondaı-aq qala turǵyndary otyrǵyzǵan barlyq aǵashtardy tirkeýge jáne kartaǵa belgileýge bolady.
«Siz aǵash otyrǵyzdyńyz. Sodan keıin qosymshanyń kómegimen taldy sýretke túsiresiz, odan keıin otyrǵyzylatyn jerdi, aǵashtyń túrin, bıiktigi men jasyn, dıametrin, otyrǵyzý kúnin belgileısiz. Belgilegennen keıin avtomatty túrde QR kod shyǵady. Eger siz ony basyp shyǵaryp, aǵashqa taqtaısha etip ilip qoısańyz, onda bizdiń qosymshamyzdyń kómegimen kez-kelgen adam osy aǵashtyń tarıhy týraly barlyq aqparatty oqı alady. Qazirgi ýaqytta bizdiń qosymshamyzdy iKomek 109 biryńǵaı baılanys ortalyǵyna biriktirý prosesi júrip jatyr», - dedi Shasalım Shagalımov.
«Zhasyl Qalqan» mobıldi qosymshasy sizge ártúrli ekologııalyq aksııalardyń uıymdastyrýshysy nemese qatysýshysy bolýǵa, sondaı-aq jergilikti ákimdikterge problemalyq aımaqtardy kórýge múmkindik beredi. Qosymshanyń tolyqqandy jumys isteýi ekologııalyq buzýshylyqtardyń azaıýyna yqpal etedi.
«Zhasyl Qalqan» qosymshasy «Play Market» jáne resmı saıtta qol jetimdi.
Alık Shpekbaev elimizdegi jobalyq keńseler júzege asyryp jatqan bastamalar týraly aıtty. Qoǵamda sybaılas jemqorlyqty qabyldamaýdy qalyptastyrý maqsatynda Agenttik halyq arasynda parasattylyq qaǵıdatyn nasıhattaýda. Iske asyrylǵan jobalar turmystyq sybaılas jemqorlyqty joıýǵa jáne azamattarǵa qolaıly jaǵdaı jasaýǵa baǵyttalǵan.
Altaı Kólginovtiń aıtýynsha, halyq pen bıznes ókilderiniń memlekettik jáne basqa da qyzmet túrlerin alý prosesterin barynsha jeńildetý uıymdardyń jumysynda tıimdilikti arttyrady, qyzmetterdi alý prosesin jeńildetedi jáne tutynýshyǵa baǵyttalǵan barlyq usynylatyn qyzmetterdiń ashyqtyǵyn qamtamasyz etedi.
Elorda ákimi bıýdjetti jáne ákimdiktiń vedomstvolyq baǵynysty uıymdaryn ońtaılandyrý boıynsha atqarylyp jatqan jumystar týraly atap ótti.
Ońtaılandyrý nátıjesinde 32 mlrd teńgeden astam qarajat únemdeýge múmkindik bergen.
Ákim sondaı-aq qarjylyq shyǵyndardy, sybaılas jemqorlyq táýekelderin azaıtýǵa jáne ótinish berýshilerdiń ýaqytyn únemdeýge múmkindik beretin turǵyn úı kommýnaldyq sharýashylyq qyzmetterin avtomattandyrý boıynsha júrgizilip jatqan jumystar týraly bólisti.
Kezdesý sońynda «Astana – adaldyq alańy» jobasyn damytý jáne keńeıtý boıynsha aldaǵy josparlar men mindetter talqylandy.