Elordada saýda jáne oıyn-saýyq ortalyqtarynyń (oıyn-saýyq jáne oıyn ortalyqtarynsyz, fýdkorttarsyz, kınoteatrlarsyz) jáne qoǵamdyq monshalar, basseınsiz saýnalar, jabyq bazarlar, saýda ortalyqtary men saýda úıleriniń jumysy búginnen bastap qaıta jumysqa kirisedi.
-Qazir osy máseleni muqııat pysyqtap, bas memlekettik sanıtarlyq dárigerdiń qaýlysy daıyndalýda. Sonymen qatar jalpy sanıtarlyq-shekteý talaptarynan basqa erekshe talaptar kórsetilgen nysandardyń atalǵan sanattarynyń jumys algorıtmderi ázirlendi: saýda ortalyqtary ádettegi jumys kestesimen, saýda býtıkterinde satyp alýshylardyń sanyn bes adamnan asyrmaýy, keminde eki metr áleýmettik qashyqtyqty qatań saqtaýmen jáne kezekte, kassalyq, saýda aımaǵynda shamamen alǵanda eki metrden kem emes tańbalar bolýy kerek, – dedi J.Pirálıeva.
Monsha men saýna (basseınsiz) úshin kútý zalyndaǵylardy qospaǵanda, personaldyń kelýshilermen tikeleı baılanysyn barynsha azaıtyp, jobalyq syıymdylyqtyń 30%-nan aspaıtyn toltyrýmen 9:00-den 18:00-ge deıin (aldyn ala jazylý boıynsha) jumys kestesi kózdeledi.
Elordanyń bas sanıtarlyq dárigeri sanıtarlyq-epıdemıologııalyq talaptardy qatań saqtaý qajetin atap ótti. Sebebi karantın sharalaryn jeńildetýdi eskersek, kez kelgen ýaqytta indet qaıta órshýi múmkin.