Qarjy rynogyn retteý jáne damytý agenttigi, Ulttyq Bank jáne «Astana» halyqaralyq qarjy ortalyǵynyń qarjylyq qyzmetterdi retteý jónindegi qyzmeti óz fýnksııalaryn tıimdi oryndaý jáne eldiń qarjy naryǵynyń senimdiligi men turaqtylyǵyn nyǵaıtý maqsatynda aqparatpen, onyń ishinde qupııa aqparatpen almasý týraly kelisimge keldi.
Bul týraly Qarjy rynogyn retteý jáne damytý agenttigi búgin tańerteń ótken onlaın formattaǵy jıynda habarlady.
«Kelisim usynystardy eskere otyryp ázirlendi. Banktik qadaǵalaý jónindegi Bazel komıteti, Saqtandyrýdy qadaǵalaý organdarynyń halyqaralyq qaýymdastyǵy, Baǵaly qaǵazdar jónindegi komıssııanyń halyqaralyq uıymy jáne kelisimniń taraptaryna baqylanatyn uıymdardyń qyzmeti, olardyń qazirgi qarjylyq jaǵdaıy týraly aqparat almasýǵa negiz jasaıdy», deıdi osy jıyndy ótkizgen Qarjy rynogyn retteý jáne damytý agenttigi ókilderi.
Sondaı-aq, bul qujat baqylanatyn uıymdardyń qarjy naryǵyndaǵy ádiletsiz áreketteri jáne olardyń zańdy buzýy týraly aqparat almasý tártibin retteıdi.
Kelisimdi iske asyrý retteýshi organdardyń ózara is-qımylyn jandandyrýǵa múmkindik beredi, baqylaý men qadaǵalaýdyń tıimdiligin arttyrýǵa, qarjylyq qyzmetterdi tutynýshylardyń quqyqtaryn qorǵaý jónindegi sharalardy kúsheıtýge yqpal etedi jáne nátıjesinde Qazaqstannyń qarjy naryǵynda ashyqtyq pen turaqtylyqty arttyrýǵa kómektesedi.