- Shymkentke kirer jáne shyǵar joldaǵy blok-beketterden kólik pen júrgizýshilerdiń, jaıaý júrginshilerdiń ótý tártibi qazirgi tańda qalaı júrgizilýde?
- Elimizde 11 mamyrda tótenshe jaǵdaı aıaqtalǵan, degenmen 25 mamyrǵa deıin qala aýmaǵyndaǵy karantın rejımi jalǵasady. Osyǵan baılanysty Shymkent qalasyna kiretin jáne shyǵatyn joldarda jalpy 18 buǵattaý beketterinde jumyldyrylǵan qyzmetkerler qalanyń bas sanıtarlyq dárigeriniń qaýlysyna sáıkes jumys atqarýda. Olar qyzmettik planshettermen avtokólikterdi jáne azamattardy tekserýde.
- Kimderge ruqsat berilgen?
- «Sergek» blok-post derekter qorynda bar avtokólikter men azamattar kedergisiz ótýde, al bazaǵa tirkelmegen avtokólikter men azamattar keri qaıtarylýda. Sondaı-aq qalanyń tynys-tirshiligin qamtamasyz etetin azyq-túlik jáne qajetti zattardy tasymaldaıtyn júk avtokólikteri kedergisiz ótýde.
- Tótenshe jaǵdaı rejımi merzimi aıaqtalǵan soń qandaı da bir jeńildikter qarastyryldy ma?
- Atalǵan buǵattaý beketterinde ótý tártibi, shekteýler jáne talaptar saqtalǵan. Oǵan qandaı da bir ózgerister engizilgen joq.
- Shymkent aýmaǵynan tys qala, aýdanaralyq baǵytta jolaýshylar tasymalymen aınalysyp júrgen taksı júrgizýshileri men jolaýshylarǵa qandaı talaptar qoıylady? Olarda qandaı qujattar bolýy kerek?
- Qaladan tys jáne aýdanaralyq baǵytta jolaýshylardy tasymaldaıtyn avtokólik júrgizýshilerine buǵattaý beketterinen ótýge ruqsat berilmegen.
Shymkent