«Áriptesim Erlan Turǵymbaevtyń azamattarǵa taıaýda júrgizýshi kýáligi men tehpasportty ózimen birge alyp júrýiniń qajeti bolmaıtyny týraly aıtqany keshegi kúnniń basty jańalyǵy boldy. Bul shyn máninde, kópten kútken sheshim. Memleket pen azamattyń ózara sıfrlyq is-qımylyn jaqsartýǵa jasalǵan úlken qadam. Polıseılerdiń júrgizýshilerden bul qujattardy talap etpeı-aq, onyń bar-joǵyn JSN arqyly tekserýine tehnıkalyq múmkindikter bar.
Qazir Senatta qaralyp jatqan «Sıfrlyq tehnologııalar týraly» zań jobasy qabyldanǵannan keıin, eGov Mobile mobıldi qosymshasyndaǵy sıfrlyq qujattar tolyq zańdy kúshke ıe bolyp, qaǵaz qujatpen birdeı qoldanylady. Iаǵnı, siz polısııa qyzmetkerine óz kýáligińizdiń sıfrlyq nusqasyn smartfonnan kórsete alasyz.
Ázirge mobıldik qosymshada 4 túrli qujattyń sıfrlyq nusqasy bar: jeke kýálik, balanyń týý týraly kýáligi, neke qııý jáne buzý, atyn, tegin, ákesiniń atyn aýystyrý týraly. Biz memlekettik organdarǵa qosymshada sondaı-aq, stýdenttik kýálik, áskerı bılet, múgedektik týraly kýálik, jyljymaıtyn múliktiń tehnıkalyq pasporty jáne t.b. bolýy úshin qajetti ıntegrasııany júrgizýdi usyndyq. Bul qujattardyń mobıldik qosymshada sıfrlyq nusqalarynyń bolýy azamat úshin óte yńǵaıly bolar edi dep oılaımyn.
Sonymen qatar biz memlekettik organdardyń azamattan talap etpeı, ózderi ala alatyn anyqtamalardan bas tartýy jumystaryn júrgizýdemiz. Jospar boıynsha, memlekettik organdar jyl sońyna deıin 24 aqparattyq anyqtamany alyp tastaýǵa ýáde berdi. Ol úshin olar óz ıntegrasııasyn aıaqtaýy, sondaı-aq óz reglamentteri men NQA-ny ózgertýi tıis. О́mirimizge qajetti qaǵaz qujattar sanynyń azaıatyny qýantady», - dep jazdy ol.