Búgin «Qatar Airways» áýekompanııasynyń arnaıy reısimen Dohadan Nur-Sultanǵa jalpy salmaǵy 8,5 tonna quraıtyn gýmanıtarlyq júk jetkizildi. Onyń ishinde jeke qorǵaný quraldary bar - joǵary sapaly N95 respıratorly medısınalyq maska, arnaıy kıim, qolǵap, kózildirik, halat jáne ózge de medısınalyq quraldar. Bul týraly Syrtqy ister mınıstrliginiń baspasóz qyzmeti habarlady.
Kómek Katar Ámiri sheıh Támım ben Hamad Ál Tanıdiń tapsyrmasy boıynsha uıymdastyryldy. Qazaqstannyń Syrtqy ister mınıstrligi Katar tarapyna gýmanıtarlyq kómek úshin alǵysyn bildiredi. Katardyń bul ıgi áreketi eki memleket arasyndaǵy dástúrli dostyq qarym-qatynastyń, sondaı-aq pandemııaǵa qarsy is-qımyl jónindegi halyqaralyq kúsh-jigerdegi yntymaqtastyqtyń kórinisi. Gýmanıtarlyq júk medısınalyq mekemeler arasynda odan ári taratý úshin «SQ-Farmasııa» JShS-na tabystalady.