Aǵymdaǵy oqý jylyn qorytyndylaýǵa daıyndyq barysy, UBT ótkizýdegi talaptar, sonymen qatar jańa oqý jylynda 1-synypqa qabyldaý barysyn talqylaý maqsatynda Almaty qalasy ákiminiń orynbasary Erjan Babaqumarov, qalanyń bas sanıtar-dárigeri Jandarbek Bekshın, bilim basqarmasynyń basshysy Lázzat Jylqybaevamen birlesip jalpy bilim beretin mektep dırektorlarymen kezdesý ótkizdi.
Bul jıynǵa 205 memlekettik, 61 jekemenshik mekteptiń dırektorlary qatysty. Qala ákimdiginiń málimeti boıynsha, ońtústik astanada búginde 261 myń oqýshy bilim alýda. Al bıylǵy jyly mektep bitiretin túlekter sany – 9 299. Olardyń 8 667-si memlekettik, 632-si jekemenshik mektep túlekteri.
Bıylǵy oqý jyly ádettegideı 25 mamyrda aıaqtalady. 9-11-synyp oqýshylary úshin qorytyndy attestattaý ótkizilmeıdi. Negizgi orta jáne jalpy orta bilim beretin mektepti bitirgeni jónindegi attestattaý aǵymdaǵy baǵalardyń negizinde júzege asatyn bolady. Orta bilim berý uıymdarynyń basshylaryna elektrondy jýrnaldardaǵy baǵalardy túzeýge úzildi-kesildi tyıym salynatynyn eskertken qala basshylyǵy 1-10-synyp oqýshylary úshin saltanatty lıneıkalar qashyqtan ótkizilip, 11-synyp túlekterine attestat tabystaý sharalary 3-4 maýsym kúnderi kestege saı ótetindigine toqtaldy. Bul kúnderi barlyq sanıtarlyq-epıdemııalyq talaptar qatań qadaǵalanady. Almaty qalasy boıynsha 9047 túlek qatysatyn Ulttyq biryńǵaı testileýdi 20 maýsym men 5 shilde aralyǵynda ótkizý josparlanyp otyr.
Qalanyń bilim basqarmasynyń basshysy Lázzat Jylqybaeva búgingi kúni memlekettik mektepterdiń 40 paıyzyna salmaq túsip otyrǵandyǵyn jetkizdi. Iаǵnı oryn jetispeýshiligi 30 myń oryndy quraıdy, al 2020-2022 oqý jylynda bul kórsetkish 60 myńnan asatyn bolady. Mektepterdegi oryn jetispeýshiligin jyl saıynǵy turaqty ósim jáne ishki mıgrasııamen baılanystyrǵan basqarma basshysy 2018 jyly bul kórsetkishtiń orta eseppen 12 myń oqýshyǵa, al 2019 jyly 17 myń oqýshyǵa óskendigin atap ótti.
«Qala mektepterindegi orynǵa tapshylyqty azaıtý úshin 2022 jylǵa deıin arnaıy Bilim berý nysandarynyń jedeldetilgen qurylysy baǵdarlamasy jasalǵan. Sonymen birge, qala basshysynyń «Shekarasyz qala» qaǵıdasyn qaperde ustaı otyryp, búkil qala boıynsha bilim berý sapasyn birtindep arttyrý mindeti qoıylǵan» dep atap ótken L.Jylqybaeva qaladaǵy mektepterdiń qurylysy «JQJK» baǵdarlamasy aıasynda bıyl qala ortalyǵynan shalǵaıdaǵy Alataý, Naýryzbaı jáne Túrksib aýdandarynda 9 mektep qurylysy bastalyp, 12900 orynǵa jáne 7000 orynǵa arnalǵan mektepterge 13 japsarlas qurylystyń josparlanyp otyrǵandyǵyn jetkizdi. Bul nysandar kelesi jyly paıdalanýǵa beriletin bolady. Sonymen birge jergilikti jáne respýblıkalyq bıýdjet esebinen qarjylandyrý maqsatynda 1800 orynǵa shaqtalǵan 2 mekteptiń qurylysy (Mamyr jáne Nurshashqan shaǵyn aýdanynda) jáne 3642 orynǵa laıyqty mektepterge 8 japsarlas qurylystary júrgizilýde. Bul nysandar 2020-2021 jyly iske qosylatyn bolady. Al bıylǵy jyly 5700 orynǵa shaqtalyp 5 mektep salynady. Sonymen birge 600 orynǵa arnalǵan mektepke japsarlas 2 qurylys nysany júrgizilýde. Nátıjesinde 2020-2021 jyldary 6300 orynmen qamtamasyz etilmek. Sondaı-aq aǵymdaǵy jyly 2240 orynǵa shaqtalǵan 4 jekemenshik mektep ashý josparlanýda. Onyń ekeýi bıylǵy jyly ashylatyn bolsa, kelesi jyly taǵy da ekeýi jumysyn bastaıdy. Bilim basqarmasynyń basshysy atap ótkenindeı, 2020-2021 jyldary 16 mektep pen 23 mektepke japsarlas salynǵan qurylys 47 463 oryndy qamtıtyn bolady. Osylaısha keler jylǵy oqý bastalar kezeńge qaraı oryn jetispeýshiligi 80 paıyzǵa qysqarady. Oryn júktemesi tolǵandyryp otyrǵan memlekettik mektepter 44-ke deıin azaıatyn bolady. Nátıjesinde oryn jetispeýshiligi sol kezeńde 12 myńdy qurap, 2021-2022 jyldarǵa josparlanǵan mektepterdiń qurylysy esebinen azaıtylmaq. Al bıylǵy jaz mezgilinde №7, 40, 45, 54, 81, 114 kúrdeli jóndeý bastalyp, seısmologııalyq kúsheıtý jumystary júrgiziledi eken.
Kezdesý barysynda mektep oqýshylary úshin jazǵy demalys máselesi qalaı bolatyny týraly da qaraldy. Qazirgi ýaqytta qala ákimdigi men Qazaqstan Respýblıkasy Adam quqyqtary boıynsha ókili Arýjan Saınmen birlesip, qala balalaryn jappaı sport, mádenıet jáne mektepten tys qosymsha bilim berý is-sharalaryna tartý maqsatynda «Jol kartasy» ázirlenýde. Al 1 maýsymnan bastap Almatyda 1-synypqa baratyn jetkinshekterdiń qujattaryn qabyldaý bastalady. 15 mamyrdan bastap daryndy balalarǵa arnalǵan mamandandyrylǵan gımnazııalarǵa, lıseılerge qujat qabyldanady.