«Nur Otan» partııasynyń Qostanaı oblystyq fılıaly 14 mamyrda Maqtaaralǵa gýmanıtarlyq kómek retinde 20 tonna un jibergen bolatyn. Júk tıelgen kólik Maqtaaralǵa aman-esen jetip, jergilikti turǵyndarǵa Qostanaıdyń sapaly unyn taratyp berdi.
«Syıǵa – syı, syraǵa – bal». Shalǵaıdan jetken kólikti bos qaıtarýdy jón kórmegen ońtústiktegi baýyrmal aǵaıyn Saryaǵash aýdany Tóńkeris aýylynan Qostanaı oblysynyń az qamtylǵan otbasylary úshin 18 tonna qyryqqabat tıep jibergen. Qostanaılyq kólikti Tóńkeriske aparyp, oǵan kókónis tıeýge qol ushyn sozǵan - «Nur Otan» partııasynyń oblystyq fılıalynyń eriktileri.
Ońtústikten jetken qyryqqabat «Birgemiz» aksııasy aıasynda endi oblystyń qala, aýdandarynda turatyn az qamtylǵan otbasylarǵa taratylyp beriletin bolady.
- Jergilikti fılıaldar aımaqtaǵy jaǵdaıy tómen otbasylar tizimin jasap, sol tizim boıynsha ataýly kómek kórsetýdi áli de jalǵastyrady, - dep habarlady «Nur Otan» partııasy Qostanaı oblystyq fılıalynyń baspasóz qyzmeti.
Qostanaı oblysy