Aılardyń sultany atanǵan qasıetti Ramazan aıynda Kókshetaýda taǵy bir otbasy baspanaly boldy. Iаǵnı, Naýan haziret ortalyq meshiti men «Zeket» korporatıvtik qaıyrymdylyq qory qolǵa alǵan «El úlesi – páterge!» jobasy aıasynda tórt bala tárbıelep otyrǵan jalǵyz basty anaǵa Krasnyı Iаr kentinen eki bólmeli páterdiń kilti tabystaldy.
Jalǵyz basty ana Gúlnár Qasymovanyń qýanyshynda shek joq. Kóp jyldar arman etken baspanasyna qol jetkizdi. Osy ýaqytqa deıin ol tórt balasymen jaldamaly páterdiń tabaldyryǵyn tozdyryp kelgen bolatyn.
– Jarymnyń qaıtqanyna 13 jyl boldy. Sol kezden bastap úı kezeginde turmyz. Kóktemde irgeden sý ótip, baspanamyz salqyndap, sýyq tıdi. Aıaǵym aýyratyn boldy. Halyqqa rızamyn, alǵys aıtamyn,–deıdi kópbalaly ana Gúlnár Qasymova.
Iá, bul jobanyń aýqymy úlken. О́tken jyly 6 páter óz ıesin tapsa, osy jyldyń jarty jyldyǵyda 5 otbasy baspanaly boldy. Aldaǵy ýaqytta da ıgi shara óz jalǵasyn tabady.
Aqmola oblysy