Memlekettik komıssııanyń shuǵyl shtaby Soltústik Qazaqstan oblysynda 1968 jylǵy er adamnan koronavırýs anyqtalǵanyn habarlady.
Reseıde vahtalyq ádispen jumys isteıtin Túrkistan oblysynyń turǵyny 20 sáýir kúni Omby qalasynan M. Jumabaev atyndaǵy aýdannyń «Qaraqoǵa» beketine kelgen. Memlekettik shekarany kesip ótý kezinde COVID-19-ǵa tekserilip, vırýs anyqtalǵannan keıin «Birinshi qalalyq aýrýhana» KMK ShJQ juqpaly aýrýlar bólimine jatqyzylǵan.
- Bekitilgen hattamaǵa sáıkes emdeý bastaldy. Onymen baılanysta bolǵan adamdardyń sany anyqtalýda. Epıdemıologııalyq tekserý jumystary qolǵa alynǵan, - delingen habarlamada.
О́tken táýliktegi jaǵdaı boıynsha SQO aýmaǵynda COVID-19 vırýsyn juqtyrǵan 40 adam tirkeldi.