Bıyl oblysta «Nurly jer» memlekettik baǵdarlamasy aıasynda 1348 otbasy qonys toıyn toılady.
Jyl basynan beri óńirde 151 myń sharshy metr baspana berilip, 1348 otbasy qonys toıyn toılaǵan. Bul kórsetkish boıynsha Aqmola oblysy Nur-Sultan jáne Almaty qalalaryn esepke almaǵanda, oblystar arasynda tórtinshi orynda.
- Bıylǵy jyly 570 myń sharshy metr baspana salý josparda bar. Barlyǵy jalǵa beriletin 12 turǵyn úı nemese 506 páter paıdalanýǵa beriledi. Onyń ishinde 172 páter kópbalaly otbasylary men halyqtyń áleýmettik jaǵynan osal toptaryna arnalady. Taǵy 7 turǵyn úı nemese 325 páter nesıeleý arqyly salynady, – deıdi oblystyq qurylys basqarmasy basshysynyń orynbasary Elena Ysqaqova.
Ústimizdegi jyly Kókshetaý, Aqkól, Makınsk, Stepnıak, Ereımentaý, Esil, Atbasar aýdandarynda, Derjavınsk, Stepnogorsk qalalary men Selınograd aýdanynyń Aqmol jáne Qosshy aýyldarynda turǵyn úı jaǵdaıy jaqsara túsedi. Sonymen birge, oblys ortalyǵy, Aqkól, Arshaly, Býlandy, Býrabaı, Esil jáne Zerendi aýdandarynda kóppáterli turǵyn jaılar men jeke úılerge ınjenerlik-kommýnıkasııalyq ınfraqurylym qurylysy boıynsha 15 jobany júzege asyrý josparlanǵan.
Budan bólek, Kókshetaý qalasy men Aqkól aýdanynda 661 jer telimine sý jáne elektr jelisi tartylatyn bolady.