Áleýmettik qordan búgingi tańda tıisti qarajat bólingen. Osy aptanyń sońynda qurylys jumystary bastalatyn bolady. Qurylys kompanııalaryna úılerdi bir jarym aıda aıaqtaýdy tapsyrdyq. Budan bólek, sý basqan 32 úıdiń zaqymdanǵany týraly komıssııa sheshim shyǵaratyn bolsa, áleýmettik qordan qalpyna keltirý jumystaryna tıisti qarajat bólýdi qarastyratyn bolamyz», - dedi B.Mamytalıev.
Sondaı-aq, qala ákiminiń orynbasary sý basyp ótken aýlalar men kóshelerdi tazartý jumystarynyń barysyn tekserdi. Eńbekshi aýdanynyń Eltaı turǵyn alabynda qazirgi tańda sý tolyǵymen toqtap, avarııalyq-qalpyna keltirý jumystary qarqyndy júrgizilip jatyr. Bul jumystarǵa Shymkent qalasy TJ departamentiniń jeke quramynda 48 qyzmetker, 3 tehnıka men 1 motopompa jumyldyrylǵan.
«Úıimizdi arnaıy áleýmettik qordan salyp beretinin estip, qýanyp qaldyq. Jergilikti bılik qoldan kelgenshe kómek berip jatyr. Tótenshelikter men ásker qyzmetkerleri de táýlik boıy jumys atqaryp aýlalar men kóshelerdi tazartýda»,- degen aýyl turǵyndary qalpyna keltirý jumystaryna atsalysyp júrgen barsha azamattarǵa alǵystaryn jetkizdi.
О́rt sóndirý bólimderiniń jeke quramy sý basqan aýla aýmaqtardan, kóshelerden batpaq laı men tastardy shyǵaryp, aryqtardy jınalǵan qoqystardan tazartýda. Sondaı-aq olar búginge deıin uzyndyǵy 30 metr bolatyn eki kóshe men 48 úıdiń aýlasyn laıdan tazartty.
Shymkent