Elorda ákimi qurylys qarqynyn arttyryp, jumys sapasyna erekshe nazar aýdarýdy jáne nysandarda qatań sanıtarlyq normalardy saqtaýdy tapsyrdy. Bul týraly qala ákimdiginiń resmı saıty habarlady.
Nur-Sultan qalasy ákimi Altaı Kólginov qurylys kompanııalary basshylarymen kezdesti. Onlaın-jınalysta aldyn-ala jobalaýdyń daıyndyǵy, jeke jobalaýdy josparlaý, ınjenerlik jeliler men júıelerdiń ornatylýy jáne t.b. máseleler talqylandy. Memleket basshysy Qasym-Jomart Toqaevtyń tapsyrmasymen bıyl qurylys kólemi artady. 2020 jyly Nur-Sultan qalasynda jeńildetilgen baǵamen satylatyn 8 myńnan astam páter salynady (2019 jyly 2900 páter paıdalanýǵa berildi). Jalpy, bıyl turǵyn úıdiń jalpy kólemi shamamen 3 mıllıon sharshy metrge jetti. Jyl basynan beri elordada 637 myń sharshy metr paıdalanýǵa berildi.
«Biz birlese aldymyzǵa ortaq mindet qoıyp, jumys jasaýdamyz. Ol – azamattarymyz úshin úı salý. Bıyl Memleket basshysynyń tapsyrmasy boıynsha, qurylys kólemin arttyramyz, jeńildetilgen baǵamen beriletin 8 myńnan astam páter salamyz. Mysaly, ótken jyly 2900 áleýmettik páter salyndy. Áleýmettik turǵyn úı kezekte turǵan azamattarǵa arnalǵan. Iаǵnı, bul az qamtamtylǵan azamattar sanaty, «Turǵyn úı qurylys jınaq bankiniń» kezekte turǵan salymshylary. Biz baspanaǵa kezekti meılinshe jyldamdatýǵa tyrysamyz. О́z tarapymyzdan sizderdi qoldaýǵa ázirmiz. Bıýrokratııa bolmaýy kerek, qajet bolǵan jaǵdaıda ár qurylys kompanııasymen jeke jumys isteımiz. Sondaı-aq bıyl kelesi jylǵa da jospar daıyndaý qajet», - dedi elorda ákimi Altaı Kólginov.
Kezdesý barysynda Altaı Kólginov jumyspen qamtý ortalyǵy arqyly jańa kadrlar alý kerektigin aıtty.
«Jumyspen qamtý jol kartasy» baǵdarlamasy boıynsha 15 myń jumys orny ashylady. Sonymen qatar obektilerde maska kııý, qashyqtyq saqtaý, sanıtarlyq tazartqyshtar men dezınfeksııa quraldaryn ornatý sııaqty qatań sanıtarlyq erejelerdi saqtaý qajet.