Shymkent qalasynda mindetti áleýmettik medısınalyq saqtandyrý júıesin engizý máselesi qaraldy. 2020 jyldyń 1 qańtarynan bastap Qazaqstanda engizilgen mindetti áleýmettik medısınalyq saqtandyrý júıesi baǵytynda júrgizilip jatqan jumystar týraly qala ákimi M.Áıtenovke densaýlyq saqtaý basqarmasynyń orynbasary A.Bekbaýova baıandady, dep habarlaıdy qala ákiminiń baspasóz qyzmeti.
Qazirgi ýaqytta Shymkent qalasyndaǵy mindetti áleýmettik medısınalyq saqtandyrý júıesine bekitilgen halyqtyń sany 900 myńnan asady. Iаǵnı, jalpy turǵyndardyń 87 paıyzy saqtandyrylǵan.
Budan bólek, Aıgúl Jaqypqyzy memlekettik medısınalyq uıymdardy kompıýterlik tehnıkamen qamtamasyz etý -75 paıyzdy quraǵanyn aıtyp, búginde «Innovasııalyq zııatkerlik tehnologııalar akademııasy» JShS memlekettik-jeke menshik seriktestik sheńberinde 1901 kompıýter men 674 prınter tehnıkasyn jetkizip jatqanyn málim etti.
Medısınalyq saqtandyrý júıesin engizý boıynsha jumystardy jandandyrýdy aıtqan qala ákimi medısınalyq saqtandyrý – halyqtyń densaýlyǵyn qorǵaý júıesi bolyp tabylatyndyǵy týraly aqparattyq-túsindirý jumystaryn keńinen júrgizýdi tapsyrdy. Sonymen qatar densaýlyq saqtaý salasyn avtomattandyrý men jaraqtandyrý jáne sıfrlandyrý baǵytyndaǵy jumystardy shıratýdy júktedi.
Jıyndy qorytyndylaǵan Murat Dúısenbekuly jyl sońyna deıin densaýlyq saqtaý salasyn damytýdaǵy nysanaly ındıkatorlarǵa qol jetkizýdi mindettedi.
Shymkent