- Qazirgi ýaqytta bul tizimge negizinen formaldy ólshemder boıynsha iriktep alynǵan 177 basylym kiredi. Sondyqtan qoldanystaǵy krıterıılerdi halyqaralyq talaptarǵa beıimdeý boıynsha jumys bastaldy. Máselen, 2 ret syrttaı resenzııalaý, naqty redaksııalaý saıasaty, jarııalanym mazmuny men basylymdardardyń baǵyttyq sáıkestigi, sheteldik mamandardyń resenzııalary, ózgeniń jazbasyn paıdalanýdy tekserý, barlyq jarııalanym sharasynyń ashyqtyǵy, myqty redaksııa alqasy, jarııalanymdardy jiberý jáne resenzııalaýdyń onlaın júıesi, ádep pen akademııalyq adaldyq boıynsha talaptar jáne taǵy sol sııaqtylar. Kórsetilgen tizbege kiretin otandyq basylymdarǵa osy talaptar birtindep qoıylatyn bolady, - dep jazdy mınıstr.
Onyń aıtýynsha, mundaı jaǵdaıda basylymdardyń sany emes, sapasyna mán beriledi, sapaly kontent úshin básekelestik artady jáne halyqaralyq deńgeıdegi ǵylymı basylymdardy shyǵarýdyń kásibı akademııalyq mádenıetin qalyptastyrýǵa yqpal etedi.
- Otandyq jýrnaldardy Scopus jáne Web of Science halyqaralyq bazasyna engizý úshin, ǵylymı jýrnaldarǵa qarjylaı qoldaý kórsetip, demeý berý maqsatymen konkýrs jarııalaýdy josparlap otyrmyz, - delingen jazbada.