Elordada saıabaqtar, gúlzarlar, qoǵamdyq keńistikter, áleýmettik nysandar aýmaǵy, bazarlar, saýda ortalyqtary, aıaldamalar, avtobýstar dezınfeksııalanyp jatyr. Bul týraly qala ákimdiginiń baspasóz qyzmeti habarlady.
2020 jyldyń 11 mamyrdan bastap adamdarǵa saıabaqtar, alańdar men gúlzarlarǵa barýǵa ruqsat berildi. Tek sanıtarlyq normalardy qatań ustaný: maska taǵyp, áleýmettik araqashyqtyqty saqtaý – basty talap.
«TJ rejımi aıaqtaldy, biraq karantın áli jalǵasyp jatyr. Elorda turǵyndaryna qoǵamdyq oryndarǵa barýǵa, saıabaqtar men gúlzarlarda serýendeýge ruqsat berildi. Alaıda vırýs juqtyrý qaýpi áli de joǵary. Biz dezınfeksııany turaqty júrgizemiz. Biraz ýaqyt úıden shyqpaǵan jurt taza aýada serýendegisi keledi. Sol sebepti kóshedegi oryndyqtar, joldar, satylar men jaqtaýlardy zalalsyzdandyramyz. Adamdar ustaıtyn zattyń bárin muqıtıat tazartylady. Elorda turǵyndaryn maska taǵyp, araqashyqtyqqa mán berip, sanıtarlyq normalardy saqtaýǵa shaqyramyn. Bul óte mańyzdy», - dedi Qorshaǵan ortany qorǵaý jáne tabıǵatty paıdalaný basqarmasy basshysynyń orynbasary Almaz Rysalıev.
Elordada 20 mıllıon sharshy metrden astam aýmaq dezınfeksııalandy. Zalalsyzdandyrý jaıaý jáne arnaıy kólikterdiń kómegimen jasalady. Áleýmettik nysandar, bazarlar, saýda ortalyqtary, aýlalar, balalar alańdary, blok beketter, qoǵamdyq kólikter, aıaldamalar men adam kóp jınalatyn basqa jerlerdi zalalsyzdandyrýǵa erekshe kóńil bólinedi.
Elorda turǵyndary sanıtarlyq normalardy saqtaýǵa: maska kıip, araqashyqtyqty saqtap, antıseptık paıdalanýǵa mán bergeni jón. Eger sanıtarlyq talaptar saqtalmasa qalada kúsheıtilgen karantın rejımin engizýge týra keledi.