Qytaı generalynyń uly, áskerı ansambldiń ánshisi Lı Tıanı top bolyp qyz zorlaýǵa qatysqany úshin 10 jylǵa túrmege otyrý jazasyna kesildi. Bul týraly ITAR-TASS habarlady.
Kesheden beri bul jańalyq Aspan asty elindegi barsha jurttyń talqylaıtyn taqyrybyna aınalyp tur.Al eldiń áleýmettikjelilerin paıdalanýshylar generaldyń balasy ákesiniń qoǵamdaǵy alatyn joǵary ornyna súıenip, bul jazadan qutylyp ketedi, degen de qaýip bildirýde. Jalpy, bul qylmystyq is boıynsha, Lı Tıanıden basqa, taǵy tórt zorlyqshy sot arqyly jazalaryn aldy. Olarǵa 3 jyldan 12 jylǵa deıin jaza kesilgen.
2011 jyly Lı Tıanı jas otbasylyq jupty uryp, soqqyǵa jyqqany úshin bir jazadan qutylyp ketken eken. Sol joly onyń dosy ekeýine erli-zaıypty jastar mingen kóliktiń ózderine jol bermegeni unamaı qalypty. Sosyn bul ekeýi jas jubaılar kóligin joldyń jıegine tyqsyryp qoıyp, ishindegi ekeýin syrtqa shyǵaryp alyp, uryp-soǵady. Al bulardyń bárin olardyń kishkentaı balalary óz kózimen kórip otyrady. Osy jaǵdaı BAQ ókilderi men Qytaı jurtshylyǵynyń qatty ashý-yzasyn týǵyzǵan bolatyn.
Qazir áleýmettik jelide bul oqıǵa joǵary laýazymdy sheneýnik Bo Sılaıdyń ómirlik jaza alýymen birdeı úkim retinde qarastyrylyp jatyr. Ondaǵylar osy eki úkimniń elde áli de ádildik bar ekenin baıqatqan oqıǵa bolǵanyn jarysa atap ótýde.
Sáken Maılybaı.