О́ńirlik jedel shtabtyń málimetine súıensek, ótken táýlikte 22 adamnan koronavırýs ınfeksııasynyń belgisi anyqtaldy.
– Naýqastardyń arasynda Teńiz kenishiniń 20 jumysshysy bar. Sondaı-aq Isataı aýdanynyń turǵyndary –37 jastaǵy jigit pen 12 jasar jasóspirimnen de anyqtaldy. Ekeýi de buryn aýyrǵan 62 jastaǵy áıelmen baılanysta bolǵan, -dep habarlady óńirlik jedel shtabtan.
Al, oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń mindetin atqarýshy Amantaı Jumaǵalıevtyń aıtýynsha, aýdandardyń turǵyndary da juqtyrdy.
– Atyraý oblysynda 6 aýdannyń turǵyndarynan koronavırýs ınfeksııasy anyqtalyp otyr. Sonyń ishinde Jylyoı aýdanynda 16, Qurmanǵazyda – 6, Maqatta – 6, Isataıda – 4, Mahambette – 1, Inder aýdanynda 1 derek tirkeldi. Osyǵan baılanysty aýdandyq bas sanıtarlyq dárigerlerdiń qaýlysymen Maqat aýdanyndaǵy Maqat kenti men Jylyoı aýdanynda ornalasqan Maıkómgen kenti karantınge jabyldy. Karantın merzimi 8 maýsymǵa deıin sozylady,-dedi Amantaı Jumaǵalıev.
Búgin Atyraýda qaýipti indetti juqtyrǵan adamdar sany 879-ǵa jetti. Saýyǵyp shyqqandar – 224 adam.