Koronavırýs pandemııasyna baılanysty ýaqytsha toqtatylǵan fýtboldan Ispanııa birinshiligi 8 maýsymnan bastap qaıta jalǵasatyn boldy. Bul týraly Ispanııanyń premer-mınıstri málimdedi.
Pedro Sanches jergilikti BAQ ókilderine bergen suhbatynda Ispanııa karantın talaptaryn joǵary deńgeıde saqtaǵanyn, sonyń arqasynda kelesi aıdan bastap tirshilik qaıta jandanatynyn habarlady. Sondaı-aq 8 maýsymnan bastap el birinshiligin ótkizýine ruqsat berilgenin de jankúıer qaýymǵa jetkizdi.
La Lıga oıyndary indetke baılanysty ýaqytsha toqtatylǵanǵa deıin týrnır kestesinde «Barselona» klýby 58 upaımen kósh basynda keledi. Katalonııa komandasynan eki upaı qalyp kele jatqan «Real» ekinshi orynda. Al úzdik úshtikti 47 upaımen «Sevılıa» qorytyndylap tur. Komandalar búginge deıin 27 týr ótkizgen.