Petropavldyń polısııa bólimine qalanyń Teri zaýyty aýmaǵyndaǵy bir úıden kóshege estilip jatqan shań-shuń janjal týraly dabyl keshki saǵat 21.00 kezinde túsken.
Janjal ornyna patrýldik polısııa otbasylyq janjaldyń aıaqtalǵan shaǵynda ǵana jete alǵan. Úı-ishindegi shashylǵan kórinis pen kórshilerdiń aıtýynan munda artyq ishilgen ashy sýdan keıingi lańdy soıqandy aıqyn tanytyp turady. Basqa otbasy músheleri úıde bolǵanymen úıdiń ıesi ornynda bolmaǵan. Onyń qaıda ketkenin basqalary aıta almaıdy. Patrýldik polısııa qyzmetkerleri úıge japsarlas salynǵan saraıda asylyp turǵan er adamdy kóredi. Ol ómirden óz erkimen attanbaqqa bel baılaǵany moınyna salǵan arqan men astyna qoıǵan oryndyqtan kórinip turady. Onyń ústine ony kúshpen asyp óltirýge úıdegi mas áıeldiń áli de jetpes edi.
Patrýldik polısııa batalonynyń qyzmetkerleri Ashat Qurmashev jáne Rýslan Qabdolov jedel qımyldap, áli jany shyǵa qoımasa da es-tússiz kúıde turǵan ony sheship alady. Sonsoń, tolyq mán-jaıdy anyqtaý úshin oqıǵa ornyna jedel-tergeý toby shaqyrtyldy.
«Árbir sekýnd mańyzdy edi. Sál keshteý kelgende, er adamdy ajaldan aman alyp qalý múmkin bolmas edi. Ol qatty qyzý kúıde bolǵan. Osyndaı áreketke barýynyń sebebi de belgisiz. Úı mańynda bolǵan kórshileri otbasynda janjal bolǵany týraly aıtty», - deıdi qalalyq Polısııa basqarmasy patrýldik polısııa batalony vzvod komandıriniń orynbasary, polısııa aǵa leıtenanty Ashat Qurmashev.
Sóıtip, patrýldik polısııa bir adamdy ólimnen alyp qaldy.
PETROPAVL