Aǵylshynnyń áıgili FourFourTwo basylymy fýtboldan Anglııa Premer-lıgasy tarıhyndaǵy eń úzdik transferdi jarııalady.
Úzdikter kóshin burynǵy Fransııa quramasynyń oıynshysy Erık Kantonanyń «Manchester Iýnaıted» klýbyna aýysýy bastap tur. Kantona «MIý» klýbyna 1992 jyly «Lıds» komandasynan 1,34 mıllıon eýroǵa aýysyp kelgen. Kantona «Manchester Iýnaıted» quramynda 1992-1997 jyldar aralyǵynda óner kórsetti. Sol aralyqta Aǵylshyn chempıonatynda tórt ret top jaryp, Kýbok básekesinde eki ret jeńimpaz atanǵan. Sondaı-aq ol bes jyl ishinde 179 matchqa qatysyp, 81 gol soqqan.
Eń úzdik transfer tarıhynda ekinshi orynǵa Anglııa quramasynyń eks-oıynshysy Sol Kempbell jaıǵasqan. Ol 2001 jyly «Tottenhemnen» «Arsenal» klýbyna erkin agent retinde qosylǵan. Úshinshi satyǵa N’Golo Kante ornalasqan. Fransııa quramasynyń jartylaı qorǵaýshysy 2015 jyly «Kan» klýbynan «Lesterge» aýysqan edi. Transfer quny 6,26 mıllıon eýro bolǵan fýtbolshy qazirgi tańda «Chelsı» klýbynyń namysyn qorǵaıdy.