Kásipqoı bokstaǵy Qazaqstannyń jaryq juldyzy, orta salmaqtaǵy IBF jáne IBO tujyrymynyń chempıony Gennadıı Golovkınmen jumys isteıtin Mathroom Boxing promýterlik kompanııasynyń basshysy Eddı Hırn GGG men Kanelo qashan jáne qaı qalada judyryqtasatynyn aıtty.
«Golovkın – Sheremeta jekpe-jegi tamyz aıynda, al Kanelo – Sonders aıqasy qyrkúıekke josparlanǵan. Ári qaraı oqıǵa qalaı órbimek? Árıne orta salmaqtyń eki myqtysy – Golovkın men Kanelo jeltoqsan aıynda rıngte kezdesedi. Jyl sońyna deıin tirshilik burynǵydaı qalpyna kelip, jankúıerler esh kedergisiz Las-Vegas qalasyndaǵy arenaǵa kiredi degen úmittemin», deıdi Hırn.
Aıta keteıik, eki boksshy arasyndaǵy alǵashqy eki jekpe-jek Las-Vegasta ornalasqan T-Mobile Arena sport kesheninde uıymdastyrylǵan bolatyn. Birinshi kezdesýde (2017 jyldyń qyrkúıegi) teń nátıje tirkelse, ekinshi aıqasta (2018 jyldyń qyrkúıegi) azdaǵan basymdyqpen Alvares jeńiske jetken edi.