Búgin saǵat 05:12-de Almaty qalasy TJ Departamentiniń pýltine Áýezov aýdany Mustaı Kárim kóshesi 1B/3 meken-jaıynyń tútindep jatqany týraly habarlama kelip tústi. Alǵashqy órt sóndirý bólimsheleri 7 mınýtta keldi, jıhaz sheberhanasynyń aýmaǵynda jınalyp turǵan kesilgen aǵashtar men «Foton Aumark» markaly avtokólik otqa oranǵan. Bul týraly qalalyq departamenttiń baspasóz qyzmeti habarlady.
Jeke turǵyn úı sektoryna ońtústik jaǵynan órttiń taralý qaýpi boldy. О́rt sóndirý tehnıkasy men jeke quram shaqyrtýdyń joǵary deńgeıimen jiberildi. О́zara áreket etý qyzmetterimen birlesip shuǵyl túrde jedel Shtab quryldy, ońtústik-shyǵys jáne ońtústik-batys jaǵynan eki jaýyngerlik ýchaske ornalastyryldy. QR IIM TJK avıasııasy oqıǵa ornyna kelýge daıyn boldy.
Jedel qabyldanǵan sharalardyń arqasynda jalpy alańy 970 sharshy metrdi quraǵan órt saǵat 6-da joıyldy. Turǵyn úılerge jáne santehnıkalyq jabdyqtar satatyn jaqyn ornalasqan úı-jaılarǵa órttiń taralý qaýpin joıýǵa múmkindik týdy.
Oqıǵa ornyna 19 birlik tehnıka, jeke quram men ózara áreket etý qyzmetterinen 65 adam jumyldyryldy. Áýezov aýdanynyń Polısııa basqarmasymen qorshaý jumystary júrgizildi. Zardap shekkender men qaıtys bolǵandar joq.