Karantın kezinde oqýshylardyń jazǵy demalysy qalaı uıymdastyrylmaq? Bıyl qala syrtyndaǵy jáne mektep janyndaǵy lagerler balalardy qabyldaı ala ma degen suraq árbir ata-anany alańdatatyny sózsiz.
Qaterli indet júrip jatqan kezeńde oıyn balasynyń kóńilin aýlaý ońaı bolmaıtyn túri bar. Ázirge bilim basqarmasy balalardyń demalysyn eki baǵytta uıymdastyrýǵa ázirlik jasaýda.
Bıylǵy jazǵy demalysqa eki baǵytta daıyndyq jasalýda. Birinshisi, dástúrli. Iаǵnı, jazǵy lagerler qaýipsizdik sharalaryn saqtaı otyryp, shtattyq rejımde jumys istemek. Oǵan daıyndyq sharalary búginnen bastalyp ta ketti.
– Basqa oblystarmen salystyrǵanda epıdemıologııalyq jaǵdaı jaman emes. Búgingi kúni qala syrtyndaǵy nemese mektep janyndaǵy lagerlerge qabyldaý boıynsha ázirlik júrgizilýde. Tek Selınograd aýdanynda ǵana uıymdastyra almaımyz. Bas sanıtarlyq dárigerdiń qaýlysynda Selınograd aýdanynyń Qosshy jáne Qoıandy aýyldary atap kórsetilgen. Ol jerde qosymsha bilim de ótkizilmeıdi,–deıdi oblystyq bilim basqarmasy basshysynyń orynbasary Botagóz Dúısenova.
Iаǵnı, óńirdiń epıdemıologııalyq jaǵdaıy turaqty bolsa, maýsymnyń 15-inen qala syrtyndaǵy 20 lager men mektep janyndaǵy 450 lager jáne qosymsha 300 alań balalardy qabyldaı bastaıdy.