О́ńir veterınarlary mal sharýashylyǵy salasynyń ókilderine jańa ǵylymı negizdeme usynyp otyr. Bul óńirdegi mal basynyń úles salmaǵynda sheteldik asyltuqymdy janýarlardyń sany artýymen baılanysty.
Sondaı-aq, mamandar kóktemgi kene men ózge de jándikterge qarsy profılaktıkalyq sharalardyń tıisti deńgeıde oryndalmaýyna alańdaýda. Bul salada ǵylymnyń úlesi áldeqaıda azaıǵan.
– Sharýalar maldyń jem-shóbine ǵana mán beredi. Jaqsy ónim alý úshin bul jetkiliksiz. Maman retinde bizder ekpe egýdi nazardan tys qaldyrmaýǵa keńes beremiz. Qazir kóptegen sharýa qojalyqtary alys-jaqyn shet elderden asyl tuqymdy mal ákelýde. Al onyń jersinýi, bizde taralǵan aýrýlarǵa qarsy ımmýnıtetiniń qalyptasýy mańyzdy. Sondaı-aq, shetelden ákelingen malmen birge aýrýlary da birge keledi. Muny da eskerý qajet,–deıdi mal dárigeri Janǵabyl Ákimbaev.
Shetten kelgen maldy sheteldik dári-dármeksiz bekerge shyǵyndap alýyńyz yqtımal. «Asyl Kókshe zoovetsnab» seriktestigi Eýropa men AQSh-tyń áıgili veterınarlyq kompanııalarynyń resmı ókili. Mamandar kommersııamen qatar ǵylymı kómek kórsetedi. Veterınarlar mal aýrýlarynyń da jyl sanap ózgerip otyrǵandyǵyn eskertedi. Sol sebepti, aýyl turǵyndarynyń jeke mal basyna da qaýip bar.
Aqmola oblysy