«Jumyspen qamtýdyń jol kartasy-2020» memlekettik baǵdarlamasy aıasynda Jarqaıyń aýdanynda Aqpan Úkibaev atyndaǵy orta mektep pen bilim oshaǵy janyndaǵy ınternatqa jóndeý jumystary júrgizilýde.
Bul maqsatqa 240 mıllıon teńgege jýyq qarjy bólindi. Jarqaıyń aýdanynyń ortalyǵy Derjavınsk qalasynda «Jumyspen qamtýdyń jol kartasy-2020» baǵdarlamasy aıasynda Aqpan Úkibaev atyndaǵy orta mekepke jóndeý júrgizilýde. Orta bilim berý mekemesiniń ınternat ǵımaraty jóndelip, syrtqy árleý jumystary, aýmaq qorshaýyn almastyrý júzege asyrylady. Memlekettik baǵdarlama aıasynda jumyspen qamtý ortalyqtary arqyly 14 adam eńbekpen qamtyldy.
Mektep ǵımaraty 1963 jyly salynǵan. Sońǵy jóndeý jumystary 2005 jyly júrgizilipti. 15 jylda ǵımarat eskirip, mekteptiń kommýnaldyq júıesi syr bergen. Jańa jobalyq qujattama bul kemshilikterdi tolyq joıýǵa baǵyttalǵan. Mektep 320 oqýshyǵa shaqtalǵan. Nysan qyrkúıek aıynda deıin qoldanysqa beriledi dep kútilýde.