Oblystyq kópbeıindi aýrýhanasy epıdemıologııalyq bóliminiń meńgerýshisi, jas maman Aınur Qalıdolla «Densaýlyq saqtaý isiniń úzdigi» tósbelgisimen marapattaldy.
Koronavırýs indetimen kúreste táýlik boıy alǵyshepte eńbek etken dárigerlerdiń eren eńbegi Densaýlyq saqtaý mınıstrligi tarapynan joǵary baǵalandy. Aınur Qaıratqyzy 21 naýryzdan beri qaýipti indetke qarsy kúreste aldyńǵy shepte qyzmet etip keledi. Aq halatty abzal jan 2015 jyly Astana medısına ınstıtýtynyń qoǵamdyq densaýlyq fakýltetin bitirgen. Alǵashqy eńbek jolyn Aqkól aýdandyq aýrýhanasynda bastaǵan. Sońǵy eki jyl oblystyq kópbeıindi aýrýhanasynda qyzmet etýde. Epıdemologııalyq bóliminiń meńgerýshisi.
– Bizdiń qyzmetimiz tótenshe jaǵdaı kezinde erekshe qajet boldy. Sol sebepti kúni-túni jumys istedik. Bizge qurmet kórsetilip jatsa, jalǵyz adamnyń emes, bólimniń de úlesi bar,–deıdi oblystyq kópbeıindi aýrýhanasy epıdemıologııa bóliminiń meńgerýshisi Aınur Qalıdolla.
Densaýlyq saqtaý mınıstrligi tarapynan oblystaǵy 10 dárigerge tósbelgi taǵyldy. Beıbit kúnniń batyrlary qandaı qurmetke bolsyn laıyq.
Aqmola oblysy