Búgin Úkimet otyrysynda Túrkistan oblysynyń ákimi О́mirzaq Shókeev óńirdegi egin egý jumystarynyń qalaı júrgizilip jatqanyn aıtty.
«Túrkistan oblysynda 857,2 myń gektar egistik alqap bar. Kóktemgi egis jumystary tolyǵymen aıaqtaldy dese bolady, 92 paıyzy aıaqtaldy. Qalǵan Maqtaaral aýdanynda sý shaıyp ketken egistikti qaıta egip jatyrmyz. Jalpy tyńaıtqyshty tolyǵymen sýbsıdııalaý aıaqtaldy. Tuqym jetedi. Barlyq kerekti sharalardyń bári der kezinde oryndaldy», dedi О́mirzaq Shókeev.
Onyń aıtýynsha, qazir eń negizgi másele egistikti ártaraptandyrý bolyp otyr.
«Maqta, masaq syndy dástúrli daqyldardy azaıtyp, onyń ornyna kókónis, mal azyǵy daqyldaryn kóbeıtý josparlanǵan. Biraq túbegeıli jaǵdaıdy ózgertý úshin biz jańa tehnologııalardy qoldanýymyz kerek. Osyǵan baılanysty biz qazir 3 baǵytty ustanyp otyrmyz. Ońtústik Qazaqstannyń jer telimderi sharýalary da óte az. Ol jerlerge jańa tehnologııalardy paıdalaný múmkin emes. Sondyqtan kooperatıvterdi qurastyryp, jańa tehnologııalardy alyp kelý kerek. Osyǵan baılanysty biz Túrkistannyń tóńireginde jańbyrlatyp sýǵarý tehnologııasyn qoldanyp otyrmyz. Jalpy bizdiń josparymyz 11 myń gektarǵa jańbyrlatyp sýǵarý tehnologııasyn alyp kelip, sol jerde turǵan sharýalardyń bárin biriktirý. Qazir 3 kooperatıv biriktirildi», -dedi oblys ákimi.