PTR dıagnostıkalyq zertteý nátıjeleri boıynsha 67 adamda COVID-19 vırýsy anyqtaldy, tirkelgen adamdar skrınıng barysynda jáne koronavırýsty juqtyrǵan adamdarmen jaqyn baılanysta bolǵandardy tekserý nátıjesinde anyqtaldy.
Olardyń ishinde Qaraǵandy qalasynda – 17 adam, Temirtaý qalasynda – 16, Buqar jyraý aýdanynda – 1, Saran qalasynda – 29, Abaı aýdanynda – 4 adam tirkelgen. Barlyǵy juqpaly aýrýlar stasıonarlaryna jatqyzyldy. Qazirgi ýaqytta naýqastardyń jaǵdaıy qanaǵattanarlyq, em alyp jatyr. Oshaqtarda dezınfeksııalyq sharalar júrgizilip jatyr. 2020 jylǵy 25 mamyrdaǵy ahýal boıynsha oblysta vırýsty juqtyrǵan 662 adam tirkelgen, onyń ishinde 3 adam kóz jumǵan jáne 191 pasıent jazylyp shyqqan.