«Jumyspen qamtýdyń jol kartasy – 2020-2021» baǵdarlamasy halyqty jumyspen qamtýda, dep habarlaıdy Nur-Sultan ákimdiginiń resmı saıty.
Qasbet jumystarynyń sheberi Rahat Ahmetov ýaqytsha jumysynan aırylǵan. Jumyspen qamtý baǵdarlamasy týraly estigen ol, eńbek jáne áleýmettik qorǵaý basqarmasyna júgindi. Onda sheberge birneshe usynys berildi.
«Qazir men qasbet jumystarynyń sheberimin, jumys qıyn emes. О́te úlken jaýapkershilik. Men fıbrosementtik panel ornatatyn konstrýksııany jınaımyn. Bul jeldetiletin qasbeti bolt arqyly berik bekitiledi. Bul konstrýksııa ońaı jınalady, uzaq ýaqytqa jáne berik ornatylady. Munyń bári adamdardyń ıgiligi úshin jasalýda. Adam jumysyn jaqsy kóre bilýi kerek», – deıdi Rahat Ahmetov.
Qurylys kompanııasynyń ókili Dáýren Býlanovtyń aıtýynsha, «Jumyspen qamtýdyń jol kartasy – 2020-2021» boıynsha jumysqa ornalasýǵa kelisim-shart 15 mamyrda jasalǵan. Sodan beri olardyń fırmasynan 110-ǵa jýyq adam jumys tapty.
«Olar tas qalaýshylar men jumysshylar. Bizdiń kompanııa jańa qyzmetkerler qabyldaýǵa daıyn. Biz osy baǵdarlama aıasynda jumys isteýge daıynbyz», – dep atap ótti D.Býlanov.
«Jumyspen qamtýdyń jol kartasy – 2020-2021» baǵdarlamasy aıasynda elordada 15 myńnan astam adamdy jumyspen qamtý josparlanǵan. Búginde elordada «Jumyspen qamtý jol kartasy» baǵdarlamasy aıasynda 2325 adam jumysqa ornalastyryldy, 78 uıymmen nıet hattamasy jasaldy. 72 joba boıynsha jumystar bastaldy. Elorda turǵyndary túrli baǵyttar boıynsha bastalǵan 72 ınfrastrýktýralyq jobaǵa jumysqa ornalasa alady. Jumyspen qamtýdyń jol kartasy boıynsha áleýmettik sala, ınjenerlik-kóliktik ınfraqurylym, turǵyn úı-kommýnaldyq sharýashylyq, eldi mekenderdi abattandyrý boıynsha 117 ınfraqurylymdyq jobaǵa jumysqa ornalastyrý josparlanýda.