Nursultan Nazarbaev Túrkııa Respýblıkasynyń Prezıdenti Rejep Taııp Erdoǵanmen telefon arqyly sóılesti. Bul týraly Elbasynyń baspasóz qyzmeti habarlady.
Taraptar birin-biri Oraza aıt merekesimen quttyqtap, zor densaýlyq pen tolaǵaı tabys, al baýyrlas Qazaqstan men Túrkııa halyqtaryna baq-bereke tiledi.
Nursultan Nazarbaev pen Rejep Taııp Erdoǵan álemdegi koronavırýs pandemııasy jaǵdaıyn talqylap, bul jahandyq daǵdarysty sátti eńserý úshin halyqaralyq kúsh-jigerdi biriktirýdi qoldady.
Áńgime sońynda taraptar eki el arasyndaǵy strategııalyq yntymaqtastyqty odan ári tereńdetýge jáne keńeıtýge qyzyǵýshylyq bildirdi.
Telefon arqyly sóılesýge Túrkııa tarapy bastamashy boldy.