Nur-Sultan qalasynyń ákimi Altaı Kólginov Ortalyq kommýnıkasııalar qyzmetinde ótken onlaın brıfıngte elordadaǵy koronavırýs boıynsha epıdemıologııalyq jaǵdaı týraly sóz etti.
«Elordada osy ýaqytta 1686 adam koronavırýs juqtyrdy. 835 pasıent emdelip shyqty. Qalǵany qazir karantınde. О́kinishke qaraı, 5 adam qaıtys boldy. Qazirgi kúndelikti ósim statıstıkasy 2,4 paıyzdy quraıdy», - dedi Altaı Kólginov.
Sondaı-aq ol koronavırýs kez kelgen jastaǵy azamattar úshin qaýipti ekenin taǵy bir eske saldy.
«Naýqas azamattardyń 40 paıyzy – 30 jasqa deıingi azamattar, 35 paıyzy – 30 jastan 50 jasqa deıingi adamdar. Osy statıstıkaǵa súıenetin bolsaq, koronavırýs juqtyrý qaýpi tek jasy úlken azamattar men zeınetkerler, sondaı-aq buryn aýrýy bolǵan azamattar úshin ǵana qaýipti emes. Bizdiń tájirıbe kórsetkendeı, koronavırýs jas talǵamaıdy. Biz bul indetten barlyǵymyz birdeı saqtanýymyz kerek», - dedi qala ákimi.