О́ńirlik jedel aqparat shtaby Jitiqarada 1965 jyly týǵan áıeldiń koronavırýstan kóz jumǵanyn habarlady.
Buryn indet juqtyrǵan naýqaspen bir úıde turǵan azamatsha Jitiqara aýdandyq aýrýhanasynyń KVI-2 stasıonarynda jatqan. Buǵan deıin onkodıspanserde esepte turypty.
23 mamyr kúni odan COVID-19-ǵa alynǵan taldaý qorytyndysy oń nátıje kórsetken. Rentgen sáýlesi arqyly naýqastyń qos ókpesiniń qabynyp ketkeni anyqtalǵan. Jaǵdaıy aýyrlap bara jatqan soń áıel Rýdnyı qalasynyń ınfeksııalyq bólimine jetkiziledi. О́kinishke qaraı, naýqas 25 mamyr kúni kóz jumǵan.
Qostanaı oblysy