Barshany alańdatqan máseleniń biri –Teńiz ken ornyndaǵy ahýal. О́ıtkeni, Jylyoı aýdanyndaǵy atalǵan ken orny indettiń oshaǵyna aınalyp barady. Qazir munda dezınfeksııalyq jumystar júrgizilip jatyr. Al, qaýipti indettiń ýshyǵýyna baılanysty turǵylyqty mekenjaıyna oralǵan jumysshylar jumysyna qaıta orala ala ma?
–Ken ornynan jumysshylardy shyǵarýdaǵy maqsat –adamdardyń densaýlyǵy men qaýipsizdigin saqtaý. Sol arqyly qaýiptiń indettiń taralyp ketpeýine qol jetkize aldyq, -dedi oblys ákimi Mahambet Dosmuhambetov.
Osy kezge deıin Teńiz ken ornynan 18,5 myń jumysshy turǵylyqty mekenjaıyna shyǵaryldy.
–Teńiz ken ornynda jumys toqtatylyp, adamdar jumyssyz qalady degen másele týyndap otyrǵan joq. Kenishtegi jumys jalǵasa beredi. Mundaǵy ahýal turaqtalǵan soń, jumysshylar jumys ornyna oralady, -dedi oblys ákimi.