Jaýyngerlik daıarlyq baǵdarlamasyn eskere otyryp, ásker túrleriniń bas qolbasshylarymen birlesip patrýldeýdi uıymdastyrý jónindegi jospar ázirlenip kelisildi. Ol kún saıyn 42 baǵytta qyzmet ótkerýdi kózdeıdi.
Patrýldeý baǵyttary krımınogendik jaǵdaıdy, áskerı bólimderdiń ornalasý oryndaryn, áskerı qyzmetshiler men olardyń otbasylary men olar turatyn aýdandardy, bazarlar, dúkender, aıaldama keshenderi sııaqty jıi baratyn qoǵamdyq oryndardy jáne taǵy basqa jaǵdaılardy eskere otyryp ázirlendi.
Shuǵyl jaǵdaıǵa baılanysty «aýyspaly» keste boıynsha patrýldeý marshrýttaryn aýystyrý da josparlanýda. Mysaly, Almaty garnızonynda 12 patrýldeý baǵyty ázirlendi. Kún saıyn segiz baǵytty qamtý, al qalǵan tórt baǵytty basqa marshrýttardan patrýlderdi alyp tastaý esebinen, sondaı-aq qoǵamdyq tártiptiń buzylýy týraly aqparattyń túsýine qaraı uıymdastyrý josparlanyp otyr.
Árbir patrýldeý aldynda áskerı qyzmetshilermen jáne áskerı polısııa qyzmetkerlerimen nusqaýlyq júrgiziledi.
2019 jylǵy qazannan bastap jarty jyl ishinde áskerı polısııa organdarynyń qyzmetkerleri, Qarýly Kúshter áskerı bólimderiniń áskerı qyzmetshileri IIM bólimshelerimen birge elimizdiń toǵyz qalasynda, atap aıtqanda Aqtaý, Almaty, Aıagóz, Gvardeısk, Qapshaǵaı, Saryózek, Semeı, Taldyqorǵan jáne О́skemen qalalarynda birlesip patrýldeýdi júzege asyrdy.
Tótenshe jaǵdaı rejımin engizgennen keıin patrýldeýshi qalalardyń sany jıyrmaǵa deıin artty.
Áskerı patrýlderdiń tájirıbesi qoǵamdyq tártipti qamtamasyz etýge baǵyttalǵan. Tótenshe jaǵdaı rejımin engizgenge deıin patrýldeýdiń kúshimen 113 quqyq buzýshylyq anyqtaldy, 19 naýryzdan bastap qoǵamdyq tártipti buzýdyń 1225 faktisi jáne 35 qylmystyq quqyq buzýshylyq tirkeldi.