Úzdikterdi shetel oqý oryndary shaqyrýda

Mekteptiń 12L synyp oqýshysy Nur­jan Isabaev Amerıkanyń Fordham University-niń grantyna ıe bolyp, Pensılvanııadaǵy Drexel University-nen de shaqyrtý aldy. Nıý-Iorktaǵy Bostandyq munarasy ǵımaratynda taǵylymdamadan ótken Nurjan ýaqyt pen qarjy únemdeýge baǵyttalǵan uıaly qosymshasyn ázir­leýmen aınalysýda.

«Biomedical engineering» maman­dyǵy boıynsha Norwich University-niń (AQSh) bilim grantyna ıe bol­ǵan 12-synyp oqýshysy Aınur Al­keeva «Honors Program» bedeldi ýnı­versıtettik baǵdarlamasyna tapsyryp, álemniń 25 úzdik talapkeriniń qa­taryna enip otyr. Aınur sondaı-aq, Purdue University, The University of Arizona, University of Houston, Fisher College jáne Whitworth University sııaqty Amerıkanyń 5 joǵary oqý ornynan shaqyrtý aldy. Aınur Alkeeva qazaqstandyq stýdentter arasyndaǵy pikir-saıys týrnırleriniń birneshe dúrkin fınalısi, «Technovation» baıqaýynyń respýblıkalyq kezeńiniń jeńimpazy, sondaı-aq «Hackathon» baıqaýy men IýNESKO klýby konfe­rensııalarynyń qatysýshysy. BUU-nyń  Qazaqstandaǵy ókildiginde erik­tiler tobynda júrgen Aınur  mektepte ózin ózi basqarý júıesiniń múshesi, «NIS Paper» mektep gazetiniń avtory jáne «Exponenta Magazine» jýrnalynyń negizin qalaýshylardyń biri.

Al 12-synyp oqýshysy Aıajan Álıhan álemdik 8 ýnıversıtetten shaqyrtý aldy. Qazaqstannyń úzdik oqýshysyna birden usynys joldaǵan álemniń 100 úzdik ýnıversıtetteriniń qatarynda Northwestern University (Doha, Qatar), Yonsei University (Seoul, SK), Yale-NUS College (Singapore), Koc University (Istanbul, TR), Fordham University (NY), Pace University (NY), Northwestern University (Chicago, IL), University of Miami (Miami, FL) bar. Tizimdegi  joǵary oqý oryndarynyń tór­teýi tolyq grant, qalǵany jartylaı grant usynyp otyr.

Mektepte jobalyq jumyspen aı­nalysatyn Aıajan Álıhan medı­­sı­na men ekologııadan ótken respýb­lıkalyq konkýrstardyń, Sankt-Peterbor pen Parıjde ótken ha­lyq­aralyq konferensııalardyń júl­degeri. «Youth for Understanding» amerıkalyq kommersııalyq emes uıy­mynda taǵylymdamadan ótken. «Envision Scholars» tanymal jazǵy almasý baǵdarlamasynyń qatysýshysy. Akademııalyq jetistikteri úshin 2018 jyly Kolýmbııa ýnıversıtetiniń jaz­ǵy baǵdarlamasyna da  usynylǵan. Aıa­jan Álıhan mekteptiń jáne Alma­ty qala­synyń qoǵamdyq ómi­rine de belsene aralasady. BUU mo­de­li klýbynyń (MUN club) negizin qalaý­shylardyń biri. «Erik­tiler lıgasy» men «Recycle Birge» áleý­mettik qoǵamdyq qozǵalysynda volon­terlik tájirıbesi bar. Sondaı-aq «International Global Network» jas­tardy damytý uıymynyń belsendi múshesi retinde Malaızııanyń astanasy Kýala-Lýmpýr men Germanııanyń Nıýrnberg qala­synda ótken halyq­aralyq konfe­ren­sııalarǵa qatysýǵa múmkindik alǵan oqýshy.

Zııatkerlik mektebiniń 12-synyp  oqýshysy Nurjan Musabekov University of Toronto (Kanada) ýnıver­sıtetiniń Lester B.Pearson School­ar­ship stıpendııasy ıegeri atandy. Atal­­ǵan shákirtaqy baǵdarlamasy akademııalyq jetistikterimen, darynymen erekshelenetin jáne óz mektepterinde kóshbasshy bolyp tabylatyn stýdentterge beriledi. Osy oraıda bul shákirtaqynyń úshinshi jyl qatarynan Nazarbaev zııatkerlik mektepter jelisiniń oqýshylaryna taǵaıyndalyp otyrǵanyn aıta ketý kerek. Bentley University Prezıdenttik grantyn, al Carnegie Mellon University shyǵyndaryn tolyq qarjylandyrýdy usynyp otyr. Nurjan 9-synyptan bastap mekteptegi ózin-ózi basqarý júıesiniń múshesi. 11-synypta Mektep prezıdenti jáne UNESCO mektep klýbynyń tóraǵasy bolǵan. 10-synypta dostarymen «Nautica School» bilim berý jobasynyń negizin qalaǵan.

Nurjan sonymen qatar TEDxAbaySt­ uıymynyń múshesi retinde TEDxAbayStWomen jáne TEDdxYouthAbaySt konferensııa­laryn uıymdastyrýǵa qatysqan. Stanford Honors Academies baǵdar­lamasy boıynsha oqyp, onda bıznes pen kóshbasshylyq salalaryn zerttep, Stenford kýrstary aıasynda mvp (minimum viable product) – Qazaqstan halqynyń áleýmettik osal toptary arasynda qarjylyq saýattylyqty jaqsartý jobasy bo­ıynsha jumys isteı bastady. Sońǵy oqý jyly bastalar aldynda Nurjan KPMG halyqaralyq kompanııasynda jazǵy taǵylymdamadan ótip, bıznes mamandyǵy boıynsha oqyǵysy kele­tinine kóz jetkizdi. Qazirgi kezde «360mentors» mansaptyq orta­ly­ǵynda Nurjan mentorlyq qyz­met atqarady. «7-synypta qıyn irikteýden qalaı ótkenine tańǵalǵan senim­siz bala bolsam, búginde myqty akademııalyq bazasy bar kóshbasshy bolyp qalyptasyp kelemin. Mektep­te alǵan bilimim men tárbıem meni shyń­dady», degen Nur­jannyń ózi bilim alǵan Nazarbaev zııatkerlik mektebi men áriptesterine alǵysy sheksiz.