Teńiz kenishinde de, aýdandarda da koronavırýs ınfeksııasynyń tirkelýi toqtar emes. Buǵan ótken táýlikte 44 adamnan indettiń anyqtalýy dálel bola alady.
О́ńirlik jedel shtabtyń málimetine súıensek, indetke shaldyqqandardyń arasynda Teńiz ken ornyndaǵy merdiger mekemelerdiń 30 qyzmetkeri bar. Olar buryn osyndaı ınfeksııany juqtyrǵandarmen baılanysta bolǵan.
–Al, 13 adam –Jylyoı aýdanynyń, bireýi Maqat aýdanynyń turǵyny. Naýqastardyń indetti juqtyrǵany skrınıngtik testten ótý kezinde rastaldy. Qazir bul naýqastarmen baılanysta bolǵandar anyqtalýda. Sondaı-aq, indet oshaqtaryna epıdemıologııalyq zertteý, dezınfeksııalaý jumysy júrgizilip jatyr, -dep habarlady jedel shtabtan.
Osy derekterdi qosa eseptegende, Atyraý oblysynda koronavırýs ınfeksııasyna shaldyqqan adamdardyń sany 1024-ti qurady. Al, 294 adam indetten jazylyp shyqty.