Ulttyq akademııalyq kitaphananyń qorjyny sırek kezdesetin erekshe mazmundy kitappen tolyqty. Qazaqstannyń memleket jáne qoǵam qaıratkeri Álıhan Baımenov kitaphana qoryna qundy kitap syılady. Janýarlar álemi týraly bul ensıklopedııany («Haıatý Haıavan») 14-ǵasyrda Mysyr ǵalymy Abý Baka Kamalýddın Mýhammed ıbn Musa Isa ıbn Alı «nash» kallıgrafııalyq jazýmen jazǵan.
1900 jyly ensıklopedııa Qazannyń Imperatorlyq ýnıversıtet baspasynda qaıta basylǵan. Osy basylymnyń bir danasy 2018 jyly kitaphanaǵa usynylǵan bolatyn. Ony qalpyna keltirýdi Qazaqstan Respýblıkasynyń Ulttyq qoljazbalar men sırek kitaptar ortalyǵy júrgizdi.
Osyǵan oraı, Álıhan Baımenovpen onlaın rejimde kezdesý ótip, ensıklopedııanyń tusaýkeseri ótti. Kórermenderge kitapty tanystyryp ǵana qoımaı, Álıhan Muhamedıuly tikeleı efırde ózge de ózekti máselelerdi kóterdi. Qyzyqty, mazmundy áńgimeler aıtylyp, barlyq suraqtarǵa jaýap berdi.