О́tken aptada Almaty qalasyndaǵy Memlekettik Tehnıkalyq jáne kásiptik bilim berý kolledj pedagogtary «Úzdik pedagog – 2020» respýblıkalyq baıqaýynyń birinshi kezeńine onlaın rejımde qatysyp, baq synady.
Bilikti kadrlardy daıarlaý úderisinde pedagog kásibiniń mártebesin kóterý, shyǵarmashylyq qabiletterin anyqtaý, olardyń kásiptik jáne tulǵalyq ósýin yntalandyrý maqsatynda jyl saıyn uıymdastyrylatyn «Úzdik pedagog – 2020» irikteý baıqaýyna bilim berý júıesiniń bilikti basshylary, tájirıbeli jetekshileri ádilqazylyq jasady.
Atap aıtsaq, Almaty qalasy Bilim basqarmasy TjKBB bóliminiń bas mamandary Izbaeva Ú.J., Abıshaev E.M., «О́rleý» BAUO» AQ fılıaly Almaty qalasy boıynsha PQBAI BBPPPS kafedra zerthanasynyń meńgerýshisi, respýblıkalyq «Almaty ustazy/Ýchıtel Almaty» jýrnalynyń jaýapty redaktory Asylbek P.О́., «О́rleý» BAUO» AQ fılıaly Almaty qalasy boıynsha PQBAI IBBjAT kafedra zerthanasynyń meńgerýshisi Belgıbaeva M.B., Almaty qalasy Bilim basqarmasy QBBJTǴÁO TjKBB bóliminiń ádiskerleri Kenesbaeva S.A,.Tanırbergenova G.B., Almaty qalasy Kásipkerler palatasy Adamı kapıtaldy damytý bóliminiń 1 sanatty sarapshysy Ibragımova J. M., «Úzdik pedagog – 2019» respýblıkalyq baıqaýynyń jeńimpazy Mamyrbekov E.M. jáne kolledj basshylary ádilqazylar quramynda onlaın rejıminde jumys jasady. Qazylar alqasynyń tóraǵasy Almaty qalasy Bilim basqarmasy basshysynyń orynbasary K.I.Jýmanov, qazylar alqasy tóraǵasynyń orynbasary Almaty qalasy Bilim basqarmasy TjKBB bóliminiń basshysy Muhanbetov A.G., jáne konkýrsty uıymdastyrý komıtetiniń hatshysy Almaty qalasy Bilim basqarmasy QBBJTǴÁO TjKBB bóliminiń jetekshisi G.J. Súleımenova konkýrstyń ashyq, ádil ótýin qadaǵalady.
Eki kún qatarynan onlaın tártibinde ótken konkýrsqa túsken 21 jumystyń arasynan júldegredi anyqtaý ádilqazylar alqasyna da ońaıǵa soqpady. Konkýrs Erejesine sáıkes daıyndalǵan kileń myqty pedagogtardyń tájirıbesi, metodıkasy, jetistikteri birinen-biri asyp túsedi. Áıtse de, konkýrstyń aty konkýrs. Ádilqazylar alqasy sheshim shyǵaryp, jeńimpazdardy anyqtady. 1-oryndy Almaty memlekettik polıtehnıkalyq kolledjiniń arnaıy pánder oqytýshysy N.M. Koserova (dırektor M.A.Omarbekov), 2-oryndy Almaty týrızm jáne qonaqjaılylyq ındýstrııasy kolledjiniń arnaıy pánder oqytýshysy L.S. Chýlakova (dırektor N.J.Jabyqbaev), 3-oryndy Almaty elektromehanıkalyq kolledjiniń arnaıy pánder oqytýshysy E.S. Ahmetov (dırektor B.D.Bozymbaev) ıelendi. Jeńimpaz ustazdar Konkýstyń qalalyq kezeńinde baq synaıdy. Qalalyq kezeńde 1-shi oryndy ıelengen oqytýshyǵa Almatynyń «Úzdik pedagog» ataǵy beriledi. Sonymen qatar Almatynyń «Úzdik pedagog» ataǵynyń ıegerine keminde aılyq eseptik kórsetkishtiń 300 eselengen mólsherinde syıaqy tólenedi. Qalalyq konkýrstyń jeńimpazdary tamyz-qyrkúıek aılarynda ótetin respýblıkalyq «Úzdik pedagog» ataǵyn berý konkýrsyna usynylady. Respýblıkalyq kezeńniń syıaqysy qalalyqqa qaraǵanda áldeqaıda qomaqty. Beriletin ataq-dárejesi de salmaqty. Endeshe, Almatynyń jeńimpaz ustazdary synnan súrinbeı ótip, Almaty shaharyn jemisti jeńisimen qýanyshqa bóleıdi degen senimdemiz.