Radıoelektronıka jáne baılanys áskerı-ınjenerlik ınstıtýtynyń 141 túlegi bir aı boıy memlekettik attestasııalyq komıssııanyń qadaǵalaýymen memlekettik emtıhan tapsyrady.
Memlekettik emtıhan tapsyrý 2 kezeńnen turady: birinshisi – teorııalyq, ekinshisi – qarý-jaraq pen áskerı tehnıkany qoldaný mashyqtyǵyn kórsetetin praktıkalyq kezeń. Sonymen qatar, jyldamdyǵyn, ıkemdiligin, kúshi men shydamdylyǵy syndy fızıkalyq qasıetterin tekserý úshin dene daıyndyǵy negizgi pán retinde engizilgen, dep REjBÁII baspasóz qyzmeti.
REjBÁII bastyǵy general-maıor Asqar Mustabekovtyń aıtýynsha, memlekettik qorytyndy attestasııanyń maqsaty – bitirýshilerdiń biliktilik talaptarynyń deńgeıi men sapasyn tekserý bolyp tabylady.
Bitirýshi kýrsanttar úshin bul óte jaýapty kezeń. Emtıhan barysynda meńgergen mamandyqtaryna sáıkes teorııalyq jáne praktıkalyq bilimderiniń deńgeıi tekseriledi, - dep atap ótti ol.
Memlekettik emtıhandar aıaqtalǵan soń kýrsanttar dıplom jobalaryn qorǵaıdy.
Bıylǵy 2020 jyly REjBÁII 14-shi ret 141 túlegin 8 mamandyq boıynsha shyǵaryp salmaq. Radıoelektronıka jáne baılanys áskerı-ınjenerlik ınstıtýty zenıtti zymyrandy, radıotehnıkalyq áskerleri, áskerler men qarý-jaraqty avtomattandyrylǵan basqarý júıeleri ınjenerleri, baılanys áskerleri, avıasııany radıotehnıkalyq qamtamasyz etý mamandyqtary úshin bilikti ofıserlerdi daıarlaıdy.