Aýdanda «Nurly jer» baǵdarlamasy aıasynda kópqabatty 45 páterli turǵyn úı salynýda. Oǵan respýblıkalyq qazynadan 297,5 mln teńge bólinip otyr.
Qurylysy sáýir aıynda bastalǵan turǵyn úı jeltoqsanda paıdalanýǵa beriledi. Esil qalasynda sońǵy úsh jylda «Nurly jer» baǵdarlamasy boıynsha turǵyn úı alǵash ret salynyp otyr. Qazir qalada úı kezeginde turǵandar kóp. Sondyqtan, qurylys bóliminiń mamandary baspana máselesiniń birden sheshile qoımaıdy deıdi.
– Jańa nysandy paıdalanýǵa berý arqyly halyqtyń áleýmettik osal toptarynyń baspanaly bolý úmitin aqtaımyz. Qazir qalada turǵyn úı kezeginde turǵan bes júzden artyq otbasy bar,–deıdi aýdandyq qurylys, sáýlet jáne qala qurylysy bóliminiń jetekshisi Baıdilda Toıshybekov.
Turǵyn úıdiń ınjenerlik jelileri men abattandyrý jumystaryna 30 mıllıon teńgege jýyq qarjy qarastyrylǵan.
Aqmola oblysy