Qazaqstan Respýblıkasynyń Qarýly Kúshterinde «Qarataý-2013» taktıkalyq-arnaıy oqý-jattyǵýlary aıaqtaldy. Oǵan arnaıy maqsattaǵy toptar men Qurlyq áskerleriniń barlaý bólimsheleri qatysty. Sondaı-aq, oqý tapsyrmalaryn pysyqtaýǵa Áýe qorǵanysy jáne Áskerı-teńiz kúshteriniń basqarý organdary da tartyldy.
Qazaqstan Respýblıkasynyń Qarýly Kúshterinde «Qarataý-2013» taktıkalyq-arnaıy oqý-jattyǵýlary aıaqtaldy. Oǵan arnaıy maqsattaǵy toptar men Qurlyq áskerleriniń barlaý bólimsheleri qatysty. Sondaı-aq, oqý tapsyrmalaryn pysyqtaýǵa Áýe qorǵanysy jáne Áskerı-teńiz kúshteriniń basqarý organdary da tartyldy.
Qarýly Kúshterde «Qarataý» oqý-jattyǵýlary jyl saıyn ótkizilip turady. Bıylǵy jattyǵýlar ótken jyldarmen salystyrǵanda, bir ǵana polıgonmen shektelmeı, barlyq óńirlik qolbasshylyqtardyń birneshe oqý ortalyqtarynyń bazasynda ótkizildi.
Barlaýshylar bes kún boıy shartty qarsylasty anyqtaý, blok qoıý jáne olardy joıý boıynsha tájirıbelik is-qımyldardy pysyqtady. Jattyǵýlar barynsha shynaıy jaýyngerlik jaǵdaıǵa jaqyn ótkizildi. Dalada qoný, kenetten shabýyl jasaý, shartty qarsylastyń jaýap oq atýy sııaqty urys júrgizýdiń jedel-taktıkalyq jaǵdaıynda júrgizildi.
«Qarataý-2013» oqý-jattyǵýlaryn qolbasshylyq joǵary baǵalady. Bólimsheler tapsyrmalardy saýatty oryndap shyqqany erekshe aıtyldy. Daıyndyq kezinde áskerı qyzmetshiler jaýyngerlik ázirlik deńgeıin arttyryp, jaýyngerlik is-qımyldardy júrgizýdiń ádisteri men taktıkasyn jetildire aldy.
«Egemen-aqparat».