Tizimge ST KZ sertıfıkattary men ındýstrııaldyq sertıfıkattary bar 512 almatylyq kompanııa jáne 12 myńnan astam taýar túrleri engen. Sondaı-aq, ońtústik astananyń árbir otandyq taýar óndirýshisi óz derekterin, tizilimge engizý múmkindigine ıe bola alady.
Atalmysh jobany Almaty qalasynyń Kásipkerler palatasy Almaty qalasy ákimdiginiń bastamasymen otyndyq taýar óndirýshilerdi qoldaýy maqsatynda júzege asyrdy.
«Engizilgen tótenshe jaǵdaı rejımi men karantın - ekonomıkanyń basty trendiniń biri bolyp sanaldy. Bul joba - bul joldaǵy taǵy bir basty qadam», - dep aıtty Almaty qalasy Kásipkerler palatasynyń dırektory Narıman Ábilshaıyqov óz sózinde.
Tirkeý qazirdiń ózinde jumys istep tur. Ony https://almaty.infokazakhstan.kz/ saıtynyń basty betindegi Almaty qalasy otandyq taýar óndirýshiler bóliminen kórýge bolady.
«Endi barlyq izdeýshiler, ásirese merdigerler, bıýdjettik baǵdarlama ákimshileri tizilimde salany nemese naqty taýarlyq pozısııasyn kórsetý arqyly qajetti óndirýshini ońaı taba alatyn bolady. Aıta ketý kerek, jaqyn arada tizilimdegi árbir kásipker óz málimetterin óńdeýge múmkindik alady. Sonymen qatar, óz kompanııasyn osy bazaǵa engizgisi keletin kásipkerlerge de bul qoljetimdi bolady», - dep atap ótti Narıman Ábilshaıyqov.