Bilim jáne ǵylym mınıstri Ashat Aımaǵambetov esep berý kezdesýinde ınklıýzıvti bilim berý máselesine toqtaldy
«Bul másele óte kúrdeli. Buǵan tek qana tıisti pandýstar qoıý jáne materıaldyq jaqtan jaǵdaı jasaý dep qaramaýymyz kerek. О́ıtkeni, eń bastysy pandýstar emes, baǵdarlamalar. Eń bastysy – bizdiń qoǵamnyń daıyn bolýy. Oqytýshylarymyz ben pedagogtarymyzdyń sol balalarmen jumys isteýge keletin quzirettiligin damytý máselesi. Sondyqtan biz bul máseleni jan-jaqtan qarastyryp, sheshý joldaryn bilemiz jáne tıisti sheshimder qabyldanýda. Mysaly, bıylǵy jylǵy qyrkúıek aıynan bastap qaýly qabyldandy. Sol qaýlynyń sheńberinde mektepterde arnaıy qajettiligi bar bizdiń balalarymyz úshin tıýtorlar shtatyn ashýǵa múmkindik paıda boldy», - dedi mınıstr.
Sondaı-aq A. Aımaǵambetov osy ınklıýzıvti bilim berý máselesi boıynsha mınıstrlik ári qaraı da qoǵamdyq uıymdarmen jáne azamattyq qoǵammen birge jumysty jalǵastyratynyn aıtty.