Memlekettik saıasatqa saı ýaqyt aǵymy men elimizde arshyndaı alǵa basyp kele jatqan qalanyń biri – Taldyqorǵan. Jetisýdyń kindik qalasy ekonomıkalyq turǵydan ósken saıyn ózge salalary da damyǵan ústine damı túsýde.
Memlekettik saıasatqa saı ýaqyt aǵymy men elimizde arshyndaı alǵa basyp kele jatqan qalanyń biri – Taldyqorǵan. Jetisýdyń kindik qalasy ekonomıkalyq turǵydan ósken saıyn ózge salalary da damyǵan ústine damı túsýde.Muny «Qazaqstan-2050» Strategııasynda aıtylǵandaı, elimiz aldaǵy ýaqytta álemdegi damyǵan 30 eldiń qataryna enýge umtylyp otyrǵanda óńirlerdi órkendetýge ózindik úles qosyp, ıgi qadamnyń mańyzdylyǵyn baǵalaı bilý dep túsingen jón. Sondyqtan Taldyqorǵannyń búgingi qoǵamda alatyn orny da erekshe. Qala kúni merekesin jalpyhalyqtyq dýmanǵa aınaldyra bilgen taldyqorǵandyqtar maqsaty baryn halqyna kórsetip, baǵalatý boldy. Qala kúni sharasy aıasynda apta boıy mádenıet, ádebıet, sport sekildi san sala boıynsha qalalyq, oblystyq, respýblıkalyq deńgeılerde ıgilikti ister atqarylyp, Jetisýdyń kindik qalasynda merekelik ádemi bir lep estirip turdy. Almaty oblysy ákiminiń orynbasary Tynyshbaı Dosymbekov bastap Taldyqorǵan qalasynyń ákimi Ermek Alpysov qostap sol qýanyshty elmen bólisti. Qalyptasqan dástúr boıynsha «Dańq obelıskine» gúl shoqtary qoıylǵan soń, Taldyqorǵan áskerı gornızony tehnıkalarynan qoıylǵan kórme tamashalandy. Árıne, memlekettik saıasatqa saı tatýlyqty hám yntymaqty pash etetin etnomádenı birlestikterdiń qolóner buıymdary men dámi til úıiretin aspazdyq kórmesi de merekelik sharanyń sánin arttyrdy. «Qýansa bala qýansyn» degen emes pe halqymyz. Taldyqorǵandaǵy ortalyq alań quddy búldirshinder álemine aınalǵan ispetti. Tilderinen bal tamǵan baldyrǵandar ónerin kórýdiń ózi bir ǵanıbet. «Qoshaqanym qaıda eken», «Aıgólek», «Aq mamam», «Mektebim» atty ánderdi naqyshyna keltire shyrqap, myń burala bılegen baldyrǵandar, oıynshyqtar álemi, sýretke túsirý galereıasy, qylqalam sheberleri týyndylary, sondaı-aq ertegiler álemine saıahat atty asfaltta sýret salý sharalary da balalardyń shadyman shattyqqa bólengeniniń bir aıǵaǵy. «Sport jeńisi – qala jeńisi» atty sport alleıasynda parkýr, armreslıng, gir kóterý, «Street workout» jattyǵýlary, arqan tartý halyqty jelpintip, serpiltse, kásibı sportshylardyń kúres, boks, shyǵys jekpe-jegi túrleriniń tásilderin asqan sheberlikpen kórsetkeni el mereıin asyra tústi. Shaǵyn jáne orta bıznes salasynyń jetistikterimen qatar, elimizge tanymal zaýyttardyń arnaýly qural-jabdyqtar kórmesi de nazar aýdararlyq boldy. О́ıtkeni, bul óndiris oryndarynyń ónimderi memlekettik baǵdarlamalar arqyly kólemin arttyryp, alys-jaqyn shetelderge ekportqa shyǵarylatyny taǵy bar. Eldi eleń etkizgen taǵy bir jańalyq qala kúnine oraı kondıterler qolynan shyqqan dámi túl úıirerlik salmaǵy 80 kg. alyp torttan halyq aýyz tıip, máre-sáre boldy. Jasyl alańda 120 jasandy gúl retimen ashylyp, ishinen óńirge tanymal ánshi shyǵyp, tamyljyta án salǵanda halyq, tipti máz boldy. Álbette, ásem ánniń áýenimen jasyl alańda Jetisýdyń jeti ózenin beınelegen jolaq syzylyp bıge de kezek tıdi. Ortalyq stadıonda qala kúniniń negizgi bólimi memlekettik ánuranmen bastalyp, Taldyqorǵan qalasynyń ákimi Ermek Alpysov osy óńirdiń órkendeýine ózindik úlesin qosqan jandarǵa Taldyqorǵan qalasynyń qurmetti azamaty ataǵyn tapsyrýmen jalǵasty.
Nurbol ÁLDIBAEV,
«Egemen Qazaqstan».
Almaty oblysy.