Bul kúnderi oblys boıynsha birneshe aýdan ortalyqtarynda, aýyldarda qus ósiretin kásiporyndar jumys jasaýda. Byltyr Sharbaqty, Qyzyljar aýyldaryndaǵy qus fabrıkalary iske qosyldy. Endi mine, taǵy bir jańa joba – Pavlodar aýdanynyń Presnoe aýylynda da qus fabrıkasynyń qurylysy bastalmaqshy.
Bul qurylysqa 75 mıllıon teńge qarastyrylypty. Qazir qurylys jumystaryn qarjylandyrý jóninde Cheh Respýblıkasynyń ınvestorymen kelisim jasaldy.
Bul kúnderi oblys boıynsha birneshe aýdan ortalyqtarynda, aýyldarda qus ósiretin kásiporyndar jumys jasaýda. Byltyr Sharbaqty, Qyzyljar aýyldaryndaǵy qus fabrıkalary iske qosyldy. Endi mine, taǵy bir jańa joba – Pavlodar aýdanynyń Presnoe aýylynda da qus fabrıkasynyń qurylysy bastalmaqshy.
Bul qurylysqa 75 mıllıon teńge qarastyrylypty. Qazir qurylys jumystaryn qarjylandyrý jóninde Cheh Respýblıkasynyń ınvestorymen kelisim jasaldy.Al, jalpy jobanyń qurylysy 2 jarym jylǵa josparlanyp otyr. Negizinen, Presnoe aýylynyń turǵyndaryna qus fabrıkasynyń salynýy jańalyq emes, burynǵy jyldary bul jerde oblysty jumyrtqa, qus etimen qamtamasyz etken «Avangard» qus fabrıkasy bolǵan-dy. Aýyldyqtardyń qus ósirýde tájirıbeleri bar. Zamannyń qıyndaý kezinde osy óndiris ornyn joǵaltyp alyp edi. Endi álemdik standartqa saı jańa fabrıka burynǵy kásiporyn ornynan boı kótermek. Tehnologııa shetelden ákelinedi, jumyrtqa da, qus eti de óndiriledi. Aýyldyqtarǵa jumys oryndary ashylady. Jalpy, qus sharýashylyǵy «qaldyqsyz sharýashylyq» dep te atalady. Eti men jumyrtqasyn aıtpaǵannyń ózinde, úlpildek mamyǵy turmystyq qajettilikterge, tipti óndiriske de qajet kórinedi. Bıyl qus sanyn 600 myńǵa jetkizemiz dep otyrmyz, deıdi «Qyzyljar qus» fabrıkasynyń basshysy Nıkolaı Rýdenko.
Al, Sharbaqtydaǵy kásiporyn oblys ákimdiginiń qoldaýymen qaıtadan jumys bastady. Byltyr Kemerov jaqtan 120 myń balapan satyp ákelindi. Sóıtip, jumyssyz qalǵan aýyldyqtar qaıtadan óz oryndaryna jumysqa keldi. Kásiporynǵa 200 mıllıon teńge ınvestısııa quıyldy. Sharbaqtylyq qus fabrıkasy sondaı-aq, taldyqorǵandyq qus fabrıkasymen kelisimshartqa otyrdy. О́ńirde tipti, jas otbasylardyń áleýmettik- turmystyq jaǵdaılaryn jaqsartý maqsatynda olarǵa qus jáne mal úlestirý baǵdarlamasy bastaý aldy. О́ıtkeni, búgingi kúnderi qus ósirýmen aýyldyqtar da, qalalyqtar da aınalysýda. Sharbaqty aýylyndaǵy qus fabrıkasy, mysaly, Jelezın, Qashyr aýdandarynan kelgen jas otbasylarynyń árqaısysyna 50 taýyq balapandaryn berdi. Endi bul baǵdarlamaǵa oblystyń aýyldarynda turatyn 50 jas otbasy qatyspaqshy. Al, úlestiriletin 50 balapannyń jalpy quny 6 myń teńgeni quraıdy.
Aýyl jastary bul qarajattyń jartysyn tóleıdi, qalǵany demeýshiler moınynda. Aldaǵy jyldary Ekibastuz qalasynyń Atyǵaı aýylynda jáne Aqsý qalasynyń ózindegi qus fabrıkalaryn qaıtadan qatarǵa qosyp, el ıgiligine jaratý qolǵa alynýda. Qazirdiń ózinde oblys óz tutynýshylaryn jergilikti jumyrtqa, qus eti ónimderimen qamtamasyz etýge qol jetkize bastady. Iаǵnı úıdegi qazanda muhıt asyp alystan keletin taýyq sıraqtaryn pisirgenshe, jergilikti taza ónimniń áldeqaıda artyq ekenin endi túsine bastadyq. Sóıtip, qus ósirýde qolǵa alynǵan jobalar tolyqtaı júzege asqanda oblys onyń ónimderin eksportqa da shyǵara alady. Bul kúnderi qus ósirýshiler kásiporyndar janynan shetelderdegideı jem-azyq keshenderiniń qurylysyn qatar salýdy da oılastyrýda.
Farıda BYQAI,
«Egemen Qazaqstan».
Pavlodar oblysy.